Astana-Shymkent reısiniń jolaýshysy qaýipsizdik erejelerine baǵynbaǵany úshin ushaqtan túsirildi
Astana áýejaıyndaǵy jelilik polıtsııa bólimine 27 qańtarda Qazaq Air áýekompanııasynyń ókilderinen Astana-Shymkent baǵytyndaǵy reıstiń jolaýshysyna qatysty shara qabyldaý týraly habarlama túsken. Quqyqbuzýshy akt boıynsha kólik polıtseılerine berildi.
Tekserý barysynda polıtseıler masań kúıinde bolǵan jáne ushaq bortyndaǵy qaýipsizdik erejelerine baǵynbaǵan Shymkent qalasynyń 55 jastaǵy turǵynyn anyqtady. Medıtsınalyq kýálandyrýdyń qorytyndysyna sáıkes, ol «jeńil dárejeli» alkogoldik masań kúıinde bolǵan.
Er adamǵa qatysty polıtsııa qyzmetkerleri QR ÁQBtK-niń 440-baby 1-bóligi (alkogoldik ishimdikter ishý nemese qoǵamdyq oryndarǵa masań kúıinde kelý), QR ÁQBtK-niń 566-baby 1-bóligi (áýe kemesinde minez-qulyq qaǵıdalaryn buzý) boıynsha eki ákimshilik hattama toltyrylyp, 8 aılyq eseptik kórsetkish (27 600 teńge) mólsherinde aıyppul saldy.
Aıta ketsek, Kóliktegi polıtsııa departamentiniń baspasóz qyzmeti qańtar aıynyń 5 kúninde tártipke baǵynbaǵan 26 jolaýshy qoǵamdyq kólikterden túsirilgenin málim etken-di.