Astana-Şýchınsk, Astana-Temirtaý baǵyttarynda kólik qozǵalysyna shekteýler engizilýi múmkin

<p>Aýa raıy boljamyna sáıkes, búgin saǵat 19:00-den bastap Aqmola jáne Qaraǵandy ​​oblystarynda meteorologııalyq jaǵdaıdyń nasharlaýy kútilýde, dep habarlaıdy <a href="https://kaz.inform.kz/" target="_blank" rel="noopener">Kazinform.</a></p>

QazAvtoJol deregine sáıkes, qalyń qar jaýyp, qatty jel soǵýy múmkin, saldarynan kórinis shekteledi. Mundaı aýa raıynyń qolaısyzdyǵy 8 qańtar kúngi saǵat 16.00-ge deıin saqtalady degen boljam bar.

«Osyǵan baılanysty jol qozǵalysyna qatysýshylardyń qaýipsizdigin qamtamasyz etý maqsatynda Astana-Şýchınsk jáne Astana-Temirtaý baǵyttarynda kólik qozǵalysyna shekteýler engizilýi múmkin ekendigin habarlaımyz.

Aýa-raıy týraly aqparatqa nazar aýdaryp, saparyńyzdy aldyn ala josparlaýyńyzdy suraımyz», — dep jazdy vedomstvodan.

Sondaı-aq, 1403 baılanys ortalyǵy táýlik boıy jumys isteıtinin esterińizge salamyz. Bul nómir arqyly respýblıkalyq mańyzy bar avtojoldardaǵy ahýal jónindegi aqparatty alýǵa bolady.

Aıta keteıik, avtojoldarda qysqy kútip-ustaý jumystary qarqyndy júrgizilip, qar tazalaý tehnıkalary táýlik boıy jumys isteıtin bolady.