Astana ShYU sammıtine qalaı daıyndalyp jatyr – fotoreportaj
Sammıttiń ashylý qarsańynda Astana halyqaralyq dıplomatııanyń naǵyz ortalyǵyna aınaldy. Elorda áýejaıy aýmaǵynan bastap shahardyń túkpir-túkpirinde daıyndyqtyń joǵary deńgeıi sezilip tur. Mártebeli qonaqtardy qarsy alý úshin ShYU rámizderi men sálemdesý jazýlary bar úlken bannerler ázirlenip, merekelik kóńil kúı qalyptastyrady.
ShYU sammıti kezinde elorda áýejaıy men vokzaldarda táýlik boıy kúsheıtilgen jumys rejımi qamtamasyz etilmek. Bul rette, qosymsha óndiristik personal men dıspetcherlik qyzmetkerler tartylady. Budan bólek, 100-den astam qyzmetker men erikti jumyldyrylmaq.
Sammıtke keletin prezıdentter men úkimet basshylary delegatsııalaryna yńǵaıly bolý úshin elordada barynsha qolaıly jaǵdaı jasalǵan. Barlyq joldar jóndelip, kósheler tazalanǵan.
Qalany abattandyrý men kógaldandyrýǵa da erekshe kóńil bólindi. Ortalyq kóshelerge jańa aǵashtar, gúlder men butalar otyrǵyzylǵan.
Sammıt ótetin oryn retinde Táýelsizdik saraıynyń tańdalýy tegin emes. Onda kóptegen jyldar boıy ártúrli formattaǵy kóptegen mańyzdy memlekettik jáne halyqaralyq is-sharalar uıymdastyryldy. Ǵımarattyń ózi jáne onyń aınalasy Qazaqstan astanasynyń sımvoldyq rámizderiniń biri bolyp sanalady.
Búginde saraı mańynda sońǵy daıyndyq jumystary aıaqtaldy. Ǵımarat qatysýshy elderdiń týymen bezendirilgen, bul - ınternatsıonaldyq birlik pen halyqtar dostyǵy aýrasyn qalyptastyrady. Ortalyq dańǵyldar men alańdar da ShYU rámizderi beınelengen úlken bannerler jáne týlarmen bezendirilgen.
Aıta keteıik, Táýelsizdik saraıyna qarama-qarsy Beıbitshilik jáne kelisim saraıynyń ǵımaratynda álemdik agenttikterdiń jýrnalısterine arnalǵan baspasóz ortalyǵy ornalasady.
Sammıttiń joǵary mártebesin eskere otyryp, polıtsııa qyzmetkerleri kúsheıtilgen jumys rejımine aýysty. Qala tynyshtyǵyn saqtaıtyn tártip saqshylarynyń sany artyp, beınebaqylaý kameralary arqyly vızýaldy baqylaý kúsheıtilgen. Qalaǵa kireberis aýmaqtarda «Rýbej» statsıonarlyq polıtsııa beketteri ornatylǵan, onda qujattar men kólikterde tyıym salynǵan zattardyń bar-joǵy tekseriledi. Sonymen qatar, sammıt barysynda áýe qaýipsizdigi de kúsheıtiledi.
Polıtseıler shetel delegatsııalarynyń kólikpen ótýi kezinde elordanyń basty kóshelerinde kólik qozǵalysy ýaqytsha shekteletinin eskertti. Degenmen, qala tolyǵymen jabylmaıtynyn atap ótken jón.
Dese de, qala ákimdigi azamattarǵa yńǵaıly bolý úshin jáne kólik keptelisin boldyrmaý úshin memlekettik organdar men kvazımemlekettik sektorǵa 2-4 shilde aralyǵynda qyzmetkerleriniń 70%-ǵa deıinin qashyqtyqtan jumys isteý formatyna aýystyrýdy usyndy.
Balabaqshalar jabylatynyn eske salǵan jón. Sondaı-aq Astanadaǵy birqatar ortalyq kóshe boıynda avtokólikterdi qoıýǵa tyıym salynady.
Ulttyq qaýipsizdik komıteti Shanhaı Yntymaqtastyq Uıymynyń sammıtine oraı turǵyndarǵa úndeý jasap, sammıt ótip jatqanda terrorıstik qaýiptiń «sary» deńgeıi engiziletin málimdedi.