«Astana-Shymkent» jolaýshylar poıyzy jol ortada buzylyp qaldy

<p>«Astana — Shymkent» poıyzy «Sary-Shaǵan — Shý» ýchaskesinde tehnıkalyq sebepterge baılanysty toqtaýǵa májbúr boldy. Ondaǵy jolaýshylar «Almaty 2 — Tashkent» poıyzyna aýysyp otyrǵyzyldy, dep habarlaıdy «Jolaýshylar tasymaly» AQ baspasóz qyzmeti. </p>

«Jolaýshylar № 85/86 „Astana — Shymkent“ (Talgo) poıyzynan № ½ „Almaty 2 — Tashkent“ (Talgo) poıyzyna aýysyp otyrǵyzyldy.
Búgin „Sary-Shaǵan — Shý“ ýchaskesindegi № 85/86 poıyzy tehnıkalyq sebepterge baılanysty toqtaýǵa májbúr boldy. Osyǵan baılanysty Shý stantsııasynda osy vagondarǵa tehnıkalyq qyzmet kórsetýge jaýapty Patentes Talgo kompanııasy tıisti tehnıkalyq jumystar júrgizetin bolady. Osy faktini eskere otyryp, Ulttyq tasymaldaýshy jolaýshylarǵa Talgo vagondarynan qurylǵan № ½ „Almaty 2 — Tashkent“ poıyzyna aýysýdy usyndy. Birinshi kezekte aýystyrylǵan quramǵa áıelder, balalar jáne tranzıttik jolaýshylar otyratyn bolady. Jolaýshylarǵa tegin ystyq tamaq uıymdastyryldy» delingen «Jolaýshylar tasymaly» AQ habarlamasynda.

«Jolaýshylar tasymaly» AQ málimetinshe, jolaýshy poıyzben júrýden bas tartqan jaǵdaıda, oǵan jol júrý quny tolyq qaıtarylady. Eger sol poıyzda kele jatqan jolaýshy sapardy jalǵastyrǵysy kelmese, jol júrý quny júrip ótpegen qashyqtyq úshin tólenedi. Sondaı-aq, kidiristiń árbir tolyq saǵaty úshin jolaýshylarǵa 3% mólsherinde ótemaqy tólenedi, biraq jol júrý qunynan aspaıdy.

Ótemaqyny «Jolaýshylar tasymaly» AQ bılet kassalarynan alýǵa bolady.

Anyqtamalyq aqparatty «1433» tegin nómiri jáne «Ktzh_pp_bot» Telegramm boty arqyly alýǵa bolady.