Astana saýda oryndarynda til zańnamasynyń saqtalýyna medıatorlar atsalysady

NUR-SULTAN. QazAqparat –Nur-Sultan qalasy tilderdi damytý jáne arhıv isi basqarmasynyń basshysy saýda oryndarynda tildik konflıktiler týyndaǵan jaǵdaıda medıatorlardyń qyzmetin paıdalanýdy josparlap otyr. dep habarlaıdy QazAqparat tilshisi.

Bul týraly basqarma basshysy qalalyq máslıhatta bıýdjetti naqtylaý kezinde aıtty.

«Sonymen qatar «Til salasyndaǵy medıatsııalyq úrdisterdi damytý» degen bir joba bar. Oǵan 17 mln 910 myń teńge surap otyrmyz. Munyń sebebi mynadaı. Qazir memlekettik organdar kásipkerlerge baryp tekserý júrgize almaıdy. Baqylaý fýnktsııasy alynǵan - hattama toltyrylmaıdy. Saýda oryndarynda keıde tilge qatysty daý-janjaldar oryn alyp jatady. Osyndaı jerlerge biz medıatorlardyń áleýetin qossaq dep otyrmyz», -dedi Sáken Esirkep

Aıtýynsha, medıatorlar taraptardy tatýlastyryp, til týraly zańnamany túsindiredi.

«ıAǵnı til ahýalyn jaqsartýǵa azamattyq qoǵamdy tartamyz. Memlekettik fýnktsııalardy básekeli ortaǵa berý saıasaty bar. Dál sol jolmen azamattyq qoǵamdy, qoǵamdyq uıymdardy, medıatorlardy tartyp, osy baǵytta jumys istemekshimiz», - dedi basqarma basshysy.

Onyń aıtýynsha, Nur-Sultannyń jańa kóshelerine ólkedegi kóne tarıhı ataýlar beriledi.