Astana sezi álemdegi eń iri forýmdardyń birine aınaldy - Mıtropolı́t Ilarıón

ASTANA. QazAqparat - Orys pravoslavıe shirkeýiniń epıskopy, Volokolam mıtropolıti, Máskeý men búkil Rýs Patrıarhiniń vıkarıi Mıtropolı́t Ilarıón álemdegi dinı qaqtyǵystardyń aldyn alý jolynda óz paıymymen bólisti, dep habarlaıdy QazAqparat tilshisi.

«Ókinishke qaraı, ekstremıster men terrorıster jalǵan dinı urandardy paıdalanyp, jazyqsyz qan tógip, qylmystaryn jalǵastyrýda. Olardyń maqsaty - qoǵamdy jik-jikke bólip, ártúrli dindegi adamdardyń arasynda alaýyzdyq týǵyzý. Mundaı syn-tegeýrinderge tótep berý úshin ekstremızmdi qabyldamaıtynymyzdy bildirip kelemiz. Terrorızmmen kúres tek kúsh biriktirý arqyly ǵana júzege asatynyn aıtqymyz keledi», - dedi Mıtropolı́t Ilarıón.

Orys shirkeýiniń epıskopy Sırııa, Irak jáne áskerı qaqtyǵystan zardap shekken ózge de memleketterdi qalpyna keltirýde birige jumys atqarý kerektigin atap ótti.

«2003 jyldan beri turaqty ótkizilip kele jatqan sez álemge tanymal din basshylarynyń basyn qosyp keledi. Mundaı izgi bastama úshin Qazaqstan Respýblıkasynyń Prezıdenti Nursultan Nazarbaevqa alǵys aıtamyn. Nursultan Ábishulynyń belsendi ustanymynyń arqasynda álemdik jáne dástúrli dinder kóshbasshylarynyń Astanadaǵy sezi - zamannyń ózekti máselelerin talqylaýǵa arnalǵan álemdegi eń iri forýmdardyń birine aınaldy», - dedi ol.

Onyń aıtýynsha, keı kezderi ártúrli syltaýlarmen belgili bir memleket ekinshi memlekettiń ishki isine aralasa bastaǵan kezde, munyń sońy soǵys pen tártipsizdikke ulasady.

«Bútindeı bir memlekettiń ekonomıkalyq, akademııalyq jáne áleýmettik ınfraqurylymynyń kúli kókke ushady. Munyń arty bilim ala almaý máselesine jáne jumyssyzdyqqa ákeledi. Іs nasyrǵa shapqan soń keleshekte ol el terrorısterdi daıyndaý oshaǵyna aınalýy múmkin. Sebebi, ekstremıstik ıdeıany nasıhattaý arqyly adamdy ońaı aqsha tabý jolyna eliktirý qıyn emes. Biz terrorısterdiń aýzynan qasıetti jazbalardyń ishinen bólinip alynǵan konteksti jıi estımiz. Alaıda zorlyq-zombylyq - kez kelgen dinı oqýǵa qarsy ekeni aıqyn. Din mahabbatqa, jaqsylyqqa, beıbitshilikke shaqyrady. Terrorıster dinı kıimmen júrýi múmkin. Biraq, bul áreket olardy saıtannyń quly bolýdan qutqarmaıdy. Sondyqtan, jastardy radıkaldardyń destrýktıvti yqpalynan qutqarý kerek», - dedi Mıtropolı́t Ilarıón.

Eske sala ketsek, elordada QR Prezıdenti Nursultan Nazarbaevtyń tóraǵalyǵymen Álemdik jáne dástúrli dinder kóshbasshylarynyń  VI sezi ótip jatyr.

Sez barysynda Qazaqstan Prezıdenti Nursultan Nazarbaev memleketter arasyndaǵy senimdi nyǵaıtyp, qaýipsiz álemdi qalyptastyrý jolynda konfessııaaralyq, órkenıetaralyq dıalog ortalyǵyn bekitýge daıyn ekenin málimdegen bolatyn.

Sondaı-aq Qazaqstan Prezıdenti Vatıkannyń papalyq keńesine «Dinaralyq dıalogqa úles qosqany» úshin syılyǵyn tabys etti.