Astana respýblıkalyq ІJÓ-degi úlestik salmaǵy boıynsha tórtinshi orynda
Bul týraly Premer-Mınıstrdińfacebook paraqshasy men pm.kz. saıtynda jarııalanǵan aqparattan málim boldy. Buǵan deıin habarlanǵandaı, QR Táýelsizdiginiń 20 jyldyǵy aıasynda atalmysh veb-resýrstarda óńirlerdiń jetistikterine arnalǵan maqalalar men jańalyqtar jarııalanyp otyrady.
1997 jyldan beri ónerkásip óndirisiniń kólemi 15,2 mlrd. teńgeden 2010 jyldyń qorytyndysy boıynsha 111,3 mlrd. teńgege deıin ulǵaıdy.
ÚIID baǵdarlamasy boıynsha ındýstrııalyq parkte «Talgo» jolaýshylar vagondaryn, metall konstrýktsııalary men jıhaz shyǵaratyn zaýyttardyń qurylystary, sondaı-aq kókónis qoımasy men logıstıkalyq keshen qurylysy jobalary júzege asyrylýda. 1997 jyldan bastap negizgi kapıtalǵa salynǵan ınvestıtsııa kólemi 21 esege ósti, ıaǵnı 19,3 mlrd. teńgeden 2010 jylǵy 396,6 mlrd. teńge deıin.
Qazir elordada shaǵyn kásipkerliktiń 26,9 myńnan astam sýbektisi jumys isteıdi, al ekonomıkanyń naqty sektorynda jumyspen qamtylǵandardyń sany birneshe esege ósip, 137 myńnan astam adamǵa jetti.
Elordanyń údemeli damýy men keshendi qurylysqa qomaqty ınvestıtsııalardy tartýdyń arqasynda turǵyn úı qurylysynyń joǵary qarqyny qamtamasyz etilýde. 1997 jyldan bergi aralyqta paıdalanýǵa berilgen turǵyn úı sany 20 eseden astamǵa artty, onyń ishinde sońǵy úsh jylda jyl saıyn 1,5 mln. sharshy metrge deıin turǵyn úı iske qosyldy.
Osy aralyqta elordada aýqymdy qurylystar júrgizildi: eski qalada úlken jańartý jumystary júzege asyrylsa, sol jaǵalaýda jańa ákimshilik ortalyq paıda boldy.