Astana protsesi Sırııa máselesin retteýdegi negizgi alań bolyp qalǵanyn qalaımyz – Aleksandr Lavrentev

<p>ASTANA. KAZINFORM &ndash; Elordada Sırııa jónindegi Astana protsesiniń HHІ otyrysy bastalyp ketti. Protsestegi kepilger memlekettiń biri Reseı Federatsııasynan kelgen delegatsııa basshysy Aleksandr Lavrentev BAQ ókilderiniń suraqtaryna jaýap bere otyryp, byltyr aıaqtalýǵa tıis bolǵan Astana protsesiniń bıyl nege qaıta jalǵasqanyn aıtty.</p>

«Ózderińiz bilesizder, Qazaqstan tarapy byltyr maýsym aıynda Astana protsesiniń sońǵy otyrysyn ótkizip otyrǵanyn aıtqan. Biz – Sırııa jónindegi Astana protsesiniń kepilger elderi (Túrkııa, Iran, Reseı – red) osy máseleni zerdelep, «Astana qabyldaýshy alań retinde qala berý kerek» degen qorytyndyǵa keldik. Árıne, bul ótinish edi. Qazaqstan basshylyǵyna úsh eldiń birlesken ótinishi boldy. ıAǵnı, Túrkııa, Iran, Reseıdiń bastamasymen Astana protsesi qaıta jalǵasty», - dedi Reseı delegatsııasynyń jetekshisi.

Onyń paıymynsha, qazir Qazaqstannyń halyqaralyq isterdegi belsendiligi artyp keledi.

«Biz Qazaqstan basshylyǵynyń Sırııa máselesin retteýge de belsendi qatysqysy keletinin kórip otyrmyz. Bul jerde myna aqparat málim dep oılaımyn. Qazaqstannyń kontıngenti Golan jotasyndaǵy bitimgershilik is-sharalarǵa qatysady. 139 áskerı qyzmetshi BUU-nyń Golan jotasyndaǵy mıssııasyna atsalysady. Ol jerde bizdiń «Rosgvardııanyń» da bitimgerleri óńirdegi turaqtylyqty qoldap otyr. Memleketterimizdiń osy alańda da ózara yqpaldastyǵy artady, ári paıdaly bolady dep oılaımyn. Sondyqtan Astana formaty Sırııa máselesin retteýde óte tıimdi tetik bolyp qala beredi dep esepteımin. Degenmen Sırııa máselesin retteýdi aıaqtaıtyn kezeń áli alysta ekeni túsinikti. Qarsy taraptardyń arasyndaǵy senim deńgeıi áli tómen kúıinde qalyp otyr», - dedi Aleksandr Lavrentev.