Astana prokýrorlary aldanǵan úleskerlerdiń quqyqtaryn qorǵap qaldy
Astana prokýratýrasynyń baspasóz qyzmetinen habarlaǵandaı, Astana qalalyq mamandandyrylǵan aýdanaralyq ekonomıkalyq soty elordalyq prokýrorlardyń «Anısa - bizdiń úı» atty turǵyn úı kooperatıviniń múddesine oraı, «Tólendi», «Astana Nurykz», «Almataý 2000» jáne «Proflaın grýpp» kompanııalarynyń ústinen túsirgen 1 mıllıard teńge qaryzdy qaıtarý jáne «Anısa 2» men «Anısa 3» turǵyn úı keshenderin jer ýchaskesimen birge tárkileý týraly aryzyn tolyq qanaǵattandyrdy.
Sot úkimi birden atqarylýǵa jatady.
Sot aktisi alynǵannan keıin, «Anısa - bizdiń úı» atty turǵyn úı kooperatıvi atalmysh turǵyn úı keshenderin ádilet organdarynda tirkeý rásimin bastaıdy. Kooperatıv endi budan bylaı turǵyn úı qurylysyn aıaqtaý jumysyn ózdiginen júrgize alady. Qurylysqa ınvestor tartý quqyǵy da bar.