Astana prokýrory Bıshimbaevtiń isine qatysty túsinik berdi

<p>Astanadaǵy meıramhanada kóz jumǵan Saltanat Núkenovaǵa taǵaıyndalǵan sot-medıtsınalyq saraptamanyń nátıjesi kópshilikke jarııalanady. Bul týraly Astana qalasynyń prokýrory Erlan Ótegenov, dep habarlaıdy&nbsp;<a href="https://kaz.inform.kz/" target="_blank" rel="noopener">Kazinform.</a></p>

«Kúdikti Qýandyq Bıshimbaevqa qatysty 2 aı merzimge qamaýǵa alý túrindegi bultartpaý sharasy sanktsııalandy. Tergeý amaldary áli jalǵasyp jatyr. Bul is boıynsha ekinshi kúdikti – Astanadaǵy «Gastro-ortalyq» dırektory. Olar bir-birine týys adamdar», – dedi E. Ótegenov elordada kásipkerler máselesin talqylaýǵa arnalǵan jıynnan keıin tilshiler suraǵyna jaýap bere otyryp.

Qala prokýrory qaıǵyly oqıǵa bolǵan ortalyqta beınekamera jazbalary qalpyna keltirilgenin rastady.

«Saltanat Núkenovanyń naqty ne sebepten qaıtys bolǵanyn anyqtaý úshin sot-medıtsınalyq saraptama jalǵasyp jatyr. Bul jumystar 1 aı shamasynda iske asyrylady. Sodan keıin saraptama nátıjesin jarııalaımyz», – dedi Erlan Ótegenov.

Eske salaıyq, bıylǵy 9 qarashada Astanadaǵy Baý meıramhanasynda burynǵy Ulttyq ekonomıka mınıstri Qýandyq Bıshimbaev óziniń jubaıyn soqqyǵa jyqty. Áıel jedel járdem kelgenshe kóz jumdy.

Keıin Іshki ister mınıstrligi Qýandyq Bıshimbaevtyń ustalǵanyn rastady.

Elorda Polıtsııa departamenti QR Qylmystyq kodeksiniń 99-baby 1-bóligi boıynsha tergeý amaldaryn bastady.

11 qarashada Astana qalasynyń mamandandyrylǵan aýdanaralyq tergeý soty kúdikti Qýandyq Bıshimbaevti 2 aıǵa qamaýǵa alý boıynsha bultartpaý sharasyn sanktsııalady.

12 qarashada kisi ólimi bolǵan «Gastro-Ortalyq» meıramhanasynyń dırektory ustaldy.

15 qarasha ótken keńeste Prezıdent Q.Toqaev ІІM-ge Bıshimbaevtiń isin erekshe baqylaýǵa alýdy tapsyrdy.