Astana protsesiniń kelissózderi ártúrli bólmede ótip jatyr
«Kelissózler ekijaqty jáne kópjaqty formatta «Rıksos» qonaq úıiniń ártúrli bólmelerinde ótip jatyr. Delegattar jasalǵan jaǵdaı tıimdi jumys isteýge múmkindik beretinin aıtýda. Ótken jyly osyndaı kezdesýlerge atsalysqan delegatsııa sarapshylary sharaǵa Sırııanyń úkimettik jáne qarýly oppozıtsııa ókilderiniń qatysýynyń ózin baıypty progress sanaıdy», - dedi ol.
Derekkóz QazAqparat tilshisine Astana protsesiniń kelissózderi barysyndaǵy oǵan qatysýshylardyń kóńil-kúıi qandaı bolǵandyǵyn da aıtyp berdi.
«Mynadaı bir qyzyqty jaıt oryn aldy. Jalpy sessııa barysynda qazaqstandyq tarap málimdeme jasaı bastaǵan kezde jáne aıaqtaǵan soń delegatsııalardyń biri qalmastan qoshemet kórsetti. Al qalǵan jaǵdaılarda mindetti túrde áıteýir bireýi aıtylǵan sózderdi qoldamaı otyrdy. Bul delegatsııa ustanymdarynyń bir-birimen kereǵarlyǵymen de baılanysty. Olardyń bir ústel basynda bas qosqandyǵynyń ózi jaqsy», - dedi derekkóz.