Astana protsesiniń 6-raýndy qashan ótetini belgili boldy

ASTANA. QazAqparat - QR Syrtqy ister mınıstri Qaırat Ábdirahmanov Sırııa boıynsha Astana protsesi aıasyndaǵy joǵary deńgeıdegi 5-shi halyqaralyq kezdesýdiń qorytyndysy boıynsha kepilger elder Reseı, Túrkııa jáne Irannyń birlesken málimdemesin jarııa etti, dep habarlaıdy QazAqparat.

«Janjaldy BUU Qaýipsizdik Keńesiniń 2254-qararyn oryndaý negizinde saıası jolmen ǵana sheshýge bolady», - delingen málimdemede.

Sonymen qatar kepilger elder Sırııadaǵy zorlyq-zombylyqtyń aıtarlyqtaı tómendegendigin quptaıtyndyǵyn jáne taraptardy soǵysty toqtatý rejimin saqtaýǵa shaqyratyndyǵy aıtylǵan.

«Deeskalatsııa aýmaǵy shekarasyn anyqtaýdaǵy progreske qanaǵattanýshylyq tanytamyz jáne birlesken jumys tobyna barlyq deeskalatsııa aımaqtarynyń operatsııalyq jáne tehnıkalyq sharttaryn sońyna deıin jasaýdy tapsyrdyq», - delingen QR Syrtqy ister mınıstri Qaırat Ábdirahmanov oqyp bergen birlesken málimdemede.

Oǵan sáıkes, birlesken jumys tobynyń kelesi otyrysy 1-2 tamyz aralyǵynda Iranda ótetin bolady.

«QR Prezıdenti Nursultan Nazarbaevqa jáne Qazaqstan bıligine Sırııa boıynsha joǵary deńgeıdegi besinshi halyqaralyq kezdesýdi Astanada ótkizgeni úshin rızashylyǵymyzdy bildiremiz. Biz  Astanada Sırııa boıynsha joǵary deńgeıdegi kelesi halyqaralyq kezdesýdi 2017 jyldyń tamyz aıynyń sońǵy aptasynda ótkizý týraly sheshim qabyldadyq», - delingen kepilger elderdiń málimdemesinde.