Astana protsesine AQSh shaqyryldy

ASTANA. QazAqparat -  RF SІM mınıstriniń orynbasary Mıhaıl Bogdanov  beısenbi kúni AQSh elshisi Djon Tefftpen kezdesý kezinde amerıkalyq tarapqa Qazaqstannyń atynan Astanadaǵy Sırııa jónindegi kelissózderge (Astana protsesi) qatysýǵa shaqyrtý bergenin málimdedi. Bul týraly RIA Novostı habarlady. 

«Iá, biz olardy shaqyrdyq. Bizdiń qazaqstandyq dostarymyzdyń qol qoıǵan shaqyrtýyn berdik», - dep aıtty Bogdanov.

RF SІM basshysy Sergeı Lavrov buryn málimdegendeı, Reseı AQSh-ty Sırııa jónindegi kelissózder alańyna (Astana protsesi) shaqyrǵan.

Budan buryn Reseı Prezıdenti Vladımır Pýtın túrik kóshbasshysy Taıyp Erdoǵanmen Sırııadaǵy soǵysyp jatqan taraptarǵa Astanadaǵy jańa alańda beıbit kelissóz úderisin jalǵastyrýdy usyný týraly ýaǵdalasqanyn habarlaǵan. Onyń aıtýynsha, jańa alań jenevalyq kelissózderdi tolyqtyrady. Qazaqstan Prezıdenti Nursultan Nazarbaev Pýtınmen jáne Erdoǵanmen telefon arqyly sóılesýi barysynda bul bastamany qoldap, Astananyń mundaı kelissóz ótkizý alańyn usynýǵa ázir ekendigin habarlaǵan.