Astana protsesinde Iran, Reseı jáne Túrkııanyń SІM basshylary bas qosady

  ASTANA. QazAqparat - QR SІM Sırııaǵa qatysty Astana protsesi kepilger elderiniń mınıstrlik kezdesýine qatysty aqparat taratty, dep habarlaıdy QazAqparat.

«Sırııa boıynsha Astana protsesiniń kepilger elderinen kelip túsken aqparatqa sáıkes, Iran Islam Respýblıkasynyń, Reseı Federatsııasynyń jáne Túrkııa Respýblıkasynyń syrtqy ister mınıstrleri 2018 jylǵy 16 naýryzda Qazaqstannyń elordasynda kezdespek», - delingen habarlamada.

Mınıstrliktiń málimetinshe, kelissózder barysynda qatysýshylar Sırııadaǵy ahýaldy retteý boıynsha yntymaqtastyqtyń alǵashqy jyly ishinde qol jetkizilgen nátıjelerdi taldaýǵa, sondaı-aq odan ári birlesken is-qımyldardy belgileýge nıetti.

Kezdesý qarsańynda, ıaǵnı 15 naýryzda, aǵa laýazymdy tulǵalardyń, sondaı-aq Birlesken jumys toby men Tutqyndardy bosatý, qaza tapqandardyń denelerin tabystaý jáne iz-túzsiz joǵalǵandardy izdestirý boıynsha jumys tobynyń kezdesýlerin ótkizý josparlanǵan.

Sondaı-a, Astanadaǵy mınıstrlik kezdesý baıqaýshylarsyz jáne sırııalyq tarapsyz ótkizilýi josparlanyp otyr. Reseı syrtqy ister mınıstrliginiń aqparaty boıynsha, kezdesýge BUU Bas hatshysynyń arnaıy ókili Staffan de Mıstýra shaqyrylady.