Astana protsesinde dostyq ahýaldy qalyptastyrý úshin barlyǵyn jasadyq - Ábdirahmanov

ASTANA. QazAqparat - Qazaqstan sırııalyq retteý jónindegi halyqaralyq kezdesýde (Astana protsesi) dostyq ahýal qalyptastyrý úshin barlyq múmkinshilikti jasady. 

Bul týraly kezdesý qorytyndysyna oraı Iran, Reseı jáne Túrkııanyń birlesken málimdemesin jarııalaý barysynda QR Syrtqy ister mınıstri Qaırat Ábdirahmanov aıtty, dep habarlaıdy QazAqparat.

«Qazaqstannyń elordasy Astana Sırııany retteý jónindegi halyqaralyq kezdesýdi qabyldady. Barlyqtaryńyz da bilesizder, kezdesý Reseı men Túrkııa prezıdentteriniń Astanany Sırııa úkimeti men qarýly oppozıtsııa arasyndaǵy sırııalyq másele boıynsha kelissózder orny jasaý jónindegi bastamasy negizinde oryn aldy. Qazaqstan Prezıdenti Nursultan Nazarbaev bul bastamaǵa tolyqtaı qoldaý kórsetti jáne bul protsesti júzege asyrý úshin Qazaqstan elordasynda tuǵyrnamany qamtamasyz etýge daıyn ekendigin jarııa etti. Biz halyqaralyq jáne jergilikti BAQ-ty qosa alǵanda barlyq qatysýshylar úshin Astanadaǵy kezdesý barysynda múmkindiginshe dostyq ahýaldy qamtamasyz etý  úshin barlyǵyn jasadyq», - dedi Ábdirahmanov.

Sonymen qatar SІM basshysy Qazaqstan Sırııadaǵy ahýaldy retteýdegi BUU-nyń kóshbasshylyq rólin moıyndaıtyndyǵyn jáne BUU Bas hatshysynyń arnaýly elshisi Staffan de Mıstýranyń kúsh-jigerin joǵary baǵalaıtyndyǵyn atap ótti.