Astana protsesi tıimdiligin kórsetti - AQSh Elshisi

ASTANA. QazAqparat - Sırııa máselesin retteý jónindegi Astana protsesi barynsha tıimdi. Bul týraly búgin Elbasy Nursultan Nazarbaevtyń Vashıngtonǵa resmı saparynyń qorytyndysyna oraı BAQ ókilderiniń saýalyna jaýap bergen AQSh-tyń Qazaqstandaǵy Tótenshe jáne Ókiletti Elshisi Djordj Krol aıtty, dep habarlaıdy QazAqparat.

«Qazirgi ýaqytta Sırııadaǵy qantógis aıtarlyqtaı tómendedi. Biz Astana protsesi Sırııa aýmaǵyndaǵy qantógisti tómendetýde barynsha tıimdi boldy dep sanaımyz. Atalǵan kelissózderge qatysýshylardyń jumysyna joǵary baǵa beremiz. Kelesi kezeń saıası bolyp otyr. Problemanyń qandaı da bir saıası sheshimin tabý qajet», - dedi Djord Krol.

Aıta keteıik, 2017 jyldyń 22 jeltoqsanynda ótken 8-shi kezdesýdiń qorytyndysynda Reseı, Iran jáne Túrkııa ókilderi Astana protsesiniń kezekti raýndyn aqpan aıynyń ortasynda ótkizetindikterin jarııa etken bolatyn. 

«Kepilger elder Prezıdent Nursultan Nazarbaevqa jáne qazaqstandyq bılikke Astanada Sırııa jónindegi halyqaralyq 8-shi kezdesýdi joǵary deńgeıde uıymdastyrǵany úshin shynaıy rızashylyǵyn bildiredi. Jáne de Astanada joǵary deńgeıdegi Sırııa jónindegi kelesi halyqaralyq kezdesýdi 2018 jyldyń aqpan aıynyń ortasynda ótkizý týraly sheshim qabyldaıdy», - delingen halyqaralyq kezdesýdiń qorytyndysyna oraı QR Syrtqy ister mınıstri Qaırat Ábdirahmanov oqyp bergen kepilger elderdiń birlesken málimdemesinde.