Astana protsesi Nazarbaevqa Nobel syılyǵyna jol ashýy múmkin - reseılik saıasattanýshy
"Qazaqstan BUU Qaýipsizdik keńesiniń turaqty emes múshesi retinde úlken mindetti moınyna alyp otyr. Onyń Sırııa máselesin retteýge degen qulshynysy óz nátıjesin berýi de múmkin. Alaıda, ol jaqtaǵy jaǵdaı óte qıyn bolyp tur. Sebebi Sırııadaǵy shıeleniske bir emes, birneshe memlekettiń qatysy bar. Sondyqtan ony rettegennen buryn, ýshyqtyra túspeý asa mańyzdy. Ol úshin qyrýar dıplomatııalyq kúsh-jiger kerek. Osy oraıda, úlken dıplomatııalyq daryny bar saıasatkerimiz - Nursultan Nazarbaevtyń bar ekenin erekshe atap ótken jón. Ol óziniń eńbek jolynda syrtqy saıasat jaǵynan áli birde-bir ret qatelesken joq. Onyń basty artyqshylyǵy sol, ol kez kelgen jaǵdaıda durys balans taba alady, qarama-qaıshy múddeler toǵysynda tepe-teńdikti saqtaı biledi. Sol sebepti Nursultan Nazarbaev álemdik saıasat deńgeıinde óz qarym-qabiletin taǵy bir márte kórsetýge múmkindik aldy", - dedi Kazantsev búgin Qazaqstan strategııalyq zertteýler ınstıtýtynda ótken jıynda.
Beınebaılanys arqyly shyqqan saıasattanýshynyń pikirinshe, Qazaqstan dál osy Sırııa máselesin retteý boıynsha naqty bir nátıjege qol jetkize alsa, Nursultan Nazarbaevty beıbitshilik úshin Nobel syılyǵynan úmitkerlerdiń qataryna qosýǵa ábden bolady.
Aıta keteıik, qańtardyń 23-i kúni Astanada Sırııa daǵdarysyna qatysty beıbit kelissózderdi (Astana protsesi) ótkizý josparlanǵan.