Astana protsesi nátıjeli ótti - Sırııa

ASTANA. QazAqparat - Sırııa delegatsııasynyń basshysy, Sırııanyń BUU janyndaǵy turaqty ókili Bashar Djafarı Astanada ótken sırııalyq retteý jónindegi halyqaralyq kezdesýdiń qorytyndysyna oraı BAQ ókilderine baspasóz máslıhatyn ótkizdi, dep habarlaıdy QazAqparat.

«Astanadaǵy eki kúndik kezdesýde biz kúni-túni nátıjeli jumys istedik. Bul kelissózder barysynda biz óz maqsatymyzǵa qol jetkizýge, ıaǵnı  soǵysty toqtatýdy bekitip, daǵdarysty saıası jolmen sheshýge tyrystyq», - dedi ol.

Djafarı nátıjeli jumys isteýge jan-jaqty múmkinshilik jasaǵan Qazaqstanǵa rızashylyǵyn bildirdi. Sonymen qatar  Astana protsesiniń jumysyn uıymdastyrýdaǵy elimizdiń barlyq kúsh-jigerin joǵary baǵalady.

«Biz Sırııada beıbitshilik ornatýǵa umtylamyz. Qantógisti toqtatý baǵytynda jumys isteý úshin ártúrli elderden kelip otyrmyz. (...) Qantógisti  toqtatý úshin barlyǵy da tyrysty. (...) Astana kezdesýi  bul bazar emes. Biz naqty qadamdardy talqyladyq jáne belgili bir nátıjelerge qol jetkizdik», - dedi sırııalyq delegatsııa basshysy.