Astana protsesi: Kepil memleketter SІM basshylarynyń kezdesýi naýryzda ótedi

ASTANA. QazAqparat - QR Syrtqy ister mınıstrliginde Sırııadaǵy ahýaldy retteý boıynsha Astana protsesi aıasynda kepil memleketterdiń syrtqy saıası vedomstvolary basshylarynyń kezdesýi ótetin boljaldy data ataldy, dep habarlaıdy «QazAqparat» HAA tilshisi.

«Budan buryn habarlanǵandaı, bizge kepil memleketterdiń SІM basshylarynyń kezdesýin ótkizý týraly usynys tústi. Osy kezdesýdi naýryzdyń ortasynda ótkizý nusqasy da boldy. Biz osy kezdesýdiń barlyq qatysýshylarynyń ótetin datany resmı rastaǵanyn kútip otyrmyz», - dep habarlady QR SІM baspasóz qyzmetiniń basshysy Ánýar Jaınaqov.

Budan buryn habarlanǵandaı, kepil memleketter Astana kelissózderiniń kezekti raýndyn ótkizý ýaqytyn shegergen edi. Olar Astanadaǵy kelissózder aıasynda, aldymen, syrtqy ister mınıstrleriniń basyn qosýǵa nıetti.