Astana protsesi: Eýroparlament depýtaty Sırııanyń bolashaǵyn oılaýǵa shaqyrdy

ASTANA. QazAqparat -  Eýropalyq parlament depýtaty, EP-nyń shetel isteri jónindegi komıtetiniń múshesi Anreıs Mamykıns Damaski men qarýly oppozıtsııa ókilderin Astanadaǵy sırııaaralyq kelissózder barysynda órkókirektikten arylyp, Sırııanyń bolashaǵyn oılaýǵa shaqyrdy, dep habarlaıdy QazAqparattyń Brıýsseldegi arnaýly tilshisi Tımýr Dúısekeev.

«Astanada qazirdiń ózinde sırııalyq retteýge qatysty ilgerileý oryn aldy. Barlyq taraptardyń kelissózderdiń bir ústeli basyna otyrýynyń ózi oń nátıje. ıAǵnı, buǵan deıin ol múmkin bolmaǵan edi.  Sırııanyń qarýly oppozıtsııasy men úkimet ókilderi bir-biriniń kózine tik qaraý múmkinshiligin aldy. Al bul qazirgi sáttegi úlken jetistik», - dedi Mamykıns.

Degenmen eýroparlament depýtaty munyń jetkiliksiz ekendigin moıyndaı kele qarýly qaqtyǵysty doǵarý rejiminiń nyǵaıa túsýine úmit artatyndyǵyn basa aıtty.  Sonymen qatar ol Astana kelissózderi aıasynda Sırııa úkimeti men oppozıtsııa ókilderi ózderiniń órkókirektigin basyp,  jeke bastarynyń paıdasy emes memlekettiń múddesine moıyn buratyndyǵyna úmit artatyndyǵyn basa aıtty.

Mamykıns Qazaqstan Prezıdenti Nursultan Nazarbaevtyń Astana kezdesýin uıymdastyrýdaǵy eńbegine de  aıryqsha toqtalyp ótti. «Prezıdent Nazarbaev taraptardyń kelissózderdiń biryńǵaı ústeline otyrýy úshin qolynan kelgenniń bárin jasady. Qazaqstan basshysynyń jeke saıası reıtıngisiniń óte joǵary ekendigin jáne ony tyńdaıtyndyǵyn esten shyǵarmaý qajet», - dedi ol.