Astana protsesi: baspasóz ortalyǵy daıyn

ASTANA. QazAqparat  - Sırııa daǵdarysy boıynsha Astana protsesine qatysýshy taraptardyń tórt kózi túgel jınaldy. Sońǵy bolyp Sırııa úkimet músheleri elordaǵa at basyn tiredi. Bul aqparatty Qazaqstan Syrtqy ister mınıstrliginiń baspasóz qyzmeti taratty, dep habarlaıdy «Habar 24».

Buǵan deıin Sırııa oppozıtsııasy men Túrkııa, Iran jáne Reseı eliniń ókilderi men BUU-nyń Sırııa máseleleri boıynsha arnaıy elshisi Staffan de Mıstýra da Astanaǵa taban tiregen bolatyn.

Qazaqstan Syrtqy ister mınıstrliginiń málimdeýinshe, erteńgi kelissózden habar taratý úshin Astanaǵa 25 elden 380-ge jýyq tilshi kelgen. Kelissózge arnalǵan arnaıy baspasóz alańy «Qazmedıa» ortalyǵynyń ǵımaratynda dúısenbi kúni saǵat 09:00-de óz jumysyn bastaıdy.