Astana polıtsııasyna iz-túzsiz joǵalǵandar týraly 4 myńǵa jýyq aryz túsken

ASTANA. QazAqparat – Jyl basynan beri iz-túzsiz joǵalǵandar týraly 4 myńǵa jýyq aryz túsken, dep habarlaıdy QazAqparat Astana qalasy polıtsııa departamentiniń baspasóz qyzmetine silteme jasap.

Astana qalasy Polıtsııa departamenti Krımınaldyq polıtsııa basqarmasynyń qyzmetkerleri izdeýde júrgen 54 jastaǵy elorda turǵynyn tapty. Buǵan deıin polıtsııaǵa 77 jastaǵy ana medıtsınalyq mekemede esepte turǵan ulynyń joǵalyp ketkeni týraly aryzdanǵan. Elordalyq tártip saqshylary eriktilermen birge iz-túzsiz joǵalǵan adamdy izdeýge jumyldyrylyp, barlyq mańaı tekserildi. Jedel izdestirý sharalary barysynda er adam «Sharyn» bazarynyń aýmaǵynan tabyldy. Qazirgi ýaqytta ol úıinde, jaǵdaıy qalypty.

Aıta ketsek, jyl basynan beri polıtsııaǵa azamattardyń, onyń ishinde balalardyń iz-túzsiz joǵalýy týraly 3 669 aryz tússe, joǵalǵandardyń kópshiligi 24 saǵat ishinde tabylyp, qalǵandarynyń ornalasqan jeri izdestirý sharalary barysynda anyqtalǵan.