Astana polıtsııasy aldanǵan úleskerlerdi izdestirýde

ASTANA. QazAqparat - Astana qalasynyń Іshki ister departamenti «Happy Village kottedjdi qalashyǵy» JShS quryltaıshysy jáne dırektory Baqtyǵalı Ótegenovke qatysty qylmystyq isti tergep jatyr, dep habarlaıdy QazAqparat.

Atap ótilgendeı, kompanııa basshysy áli salynbaǵan turǵyn úıdegi páterlerdi satý arqyly úleskerlerdiń aqshasyn qaltasyna basqan.

«Kúdikti Astana qalasynyń №E464 kóshesinde parkıngi men ózge de nysandary qarastyrylǵan, az qabatty «Kýrshevel» turǵyn úı keshenin salyp beremin dep, aldaý jolymen satý-satyp alý kelisimsharttaryn bekitken. Solaı ınvestorlardyń qarajatyn jymqyrǵan», - dep málimdedi departamenttiń baspasóz qyzmetinen.

Astana qalalyq ІІD Baqtyǵalı Ótegenovtyń áreketinen zardap shekkenderden 8(7172)71-60-58, 8701-120-26-05 telefondaryna habarlasýdy suraıdy.