Astana polıtseılerine aqyly joldardaǵy beınebaqylaý kamerasy qoljetimdi bolmaq

NUR-SULTAN. QazAqparat – Nur-Sultan qalasynda urlyqty boldyrmaý jáne bolǵan urlyqtyń izin sýytpaı ashý maqsatynda polıtsııa qyzmetkerleri úshin respýblıkalyq joldarda ornatylǵan beınebaqylaý kameralaryn qoljetimdi etý máselesi qaralyp jatyr, dep habarlaıdy QazAqparat tilshisi.

«Qazirgi ýaqytta «QazAvtoJol» ulttyq kompanııasymen aqyly tasjoldar boıyndaǵy beınebaqylaý kameralaryna polıtsııa qyzmetkerleriniń qoljetimdi bolýy máselesi qaralyp jatyr. ıAǵnı urlyqtyń aldyn alý maqsatynda quzyrly memlekettik jáne qoǵamdyq uıymdarmen birlesken jumys qolǵa alynýda. Bul shara urlyq bolǵan jaǵdaıda isti shuǵyl ashyp, kinálini tez tabýǵa septigin tıgizbek. Jalpy osy kúnge deıin urlyqty boldyrmaýǵa qatysty 24 profılaktıkalyq is-shara jáne 48 reıd ótti», - dedi Nur-Sultan qalasy polıtsııa departamenti Esil aýdany polıtsııa basqarmasy krımınaldyq polıtsııa bóliminiń basshysy, polıtsııa maıory Samǵat Tynyshev BAQ-qa arnalǵan brıfıngte.

Onyń aıtýynsha, kóktem men jazda elorda aýmaǵynda kóbinese velosıped, samokat qoldy bolady. Sondaı-aq, qala syrtyndaǵy saıajaılarda urlyq jıi tirkeledi.

«Shlagbaým bar aqyly joldarda beınebaqylaý kameralary ornatylǵan. Polıtsııa qyzmetkerleri beınebaqylaý kameralarynyń muraǵatyna qol jetkizýi úshin biz «QazAvtoJol» ulttyq kompanııasymen birlesip jumys istemekpiz. Mysaly, kólik urlandy delik, ury kólikti aqyly jolmen Qaraǵandy jaqqa minip ketedi. Osy tusta avtomobıl men ondaǵy kúdiktini anyqtap, tabý úshin biz «QazAvtoJolǵa» resmı saýal jiberýimiz kerek. Bul protsess ýaqyt alady. Eger atalǵan kompanııamen birlesip áreket etsek, urlyq jasaý faktisin jedel ashý múmkindigi týady. Polıtsııa qyzmetkerlerine beınebaqylaý kameralary qoljetimdi bolmaq», - deıdi ol.

Buǵan deıin qalalyq polıtsııa departamentiniń ókili elorda aýmaǵynda bolatyn qylmystyń 41 paıyzy urlyq jasaýmen baılanysty ekenin aıtyp ótti.