«Astana-Petropavl» trassasynda birneshe kólik soqtyǵysyp, bir adam kóz jumdy

<p>Aqmola oblysy aýmaǵynda &laquo;Astana-Petropavl&raquo; tas jolynyń 105 shaqyrymynda birneshe kólik soqtyǵysyp, jol apatynan 1 adam kóz jumyp, 5 adam aýrýhanaǵa jetkizildi, dep habarlaıdy <a href="Kazinform." target="_blank" rel="noopener">Kazinform.</a></p>

Oblystyq PD baspasóz qyzmetiniń málimetinshe, búgin, 29 jeltoqsanda saǵat 13:18-de Aqkól aýdandyq PB kezekshi bólimine jol-kólik oqıǵasy týraly habar túsken. 

«Anyqtalǵandaı, jol apatynan 16 kólik quralyna (3 «Gazel», 4 júk kólik jáne 9 jeńil avtokólik) zaqym keldi. Jeńil kóliktiń 28 jastaǵy júrgizýshisi oqıǵa ornynda qaıtys boldy, taǵy 5 adam túrli dene jaraqatymen Aqkól aýdandyq aýrýhanasyna jetkizildi», - delingen vedomstvo taratqan aqparatta.

Qazirgi kezde, osy oqıǵaǵa baılanysty Qylmystyq kodekstiń 345-babynyń 3-bóligi boıynsha («Kólik quraldaryn basqaratyn adamdardyń jol júrisi nemese kólik quraldaryn paıdalaný qaǵıdalaryn buzýy, abaısyzda adamnyń ólimine ákep soqtyrǵan») is qozǵalyp, sotqa deıingi tergeý amaldary júrgizilip jatyr.

Aıta ketsek, budan buryn da Aqmola oblysynda birneshe kólik soqtyǵysqanyn jazǵan edik.