«Astana-Petropavl» tasjolynda mototsıkl júrgizýshisi jol apatynan kóz jumdy

KÓKShETAÝ. QazAqparat - «Astana-Petropavl» tasjolynda «Lexus RX-300» kóligine soǵylǵan mototsıkl júrgizýshisi kóz jumdy, dep habarlaıdy QazAqparat tilshisi Aqmola oblystyq PD baspasóz qyzmetine silteme jasap.

Vedomstvonyń málimetinshe, tamyzdyń 20-da saǵat 16:04 Aqkól aýdandyq PB kezekshi bólimine «Astana-Şýche» avtojolynyń 104-shi shaqyrymynda jol-kólik oqıǵasy bolǵandyǵy týraly habar túsken.

Belgili bolǵandaı, «HONDA» mototsıkliniń 39 jastaǵy júrgizýshisi «Gelıos» janarmaı quıý beketinen «Astana-Petropavl» avtojolyna asa jyldamdyqpen shyǵyp ketip, «Lexus RX-300» kóligimen soqtyǵysqan. Saldarynan mototsıkl júrgizýshisi túrle dene jaraqatymen Aqkól aýdandyq aýrýhanasyna jetkizilip, sonda qaıtys boldy. Medıtsınalyq saraptama qorytyndysyna saı «Lexus RX-300» kóliginiń júrgizýshisi, 57 jastaǵy petropavldyqtyń ishimdik ishpegeni anyqtaldy.

«Osy derekke baılanysty Qylmystyq kodekstiń 345-babynyń 3-bóligi boıynsha «Kólik quraldaryn basqaratyn adamdardyń jol júrý nemese kólik quraldaryn paıdalaný erejelerin buzýy» boıynsha sotqa deıingi is qozǵaldy», - dedi vedomstvodan.

Jalpy, Aqmola oblysynda jazǵy maýsymda mototsıkldermen 13 jol-kólik oqıǵasy tirkelip, odan 2 adam kóz jumǵan jáne 19 adam zardap shekken.

Aıta ketsek, budan buryn Kókshetaýda jolǵa júgirip shyqqan jasóspirimdi kólik qaǵyp ketkenin jazǵan edik.