Astana - Petropavl tas jolynda bulannyń kesirinen eki jol-kólik oqıǵasy boldy

ASTANA. QazAqparat – Aqmola oblysynda jabaıy ańnyń respýblıkalyq tas jolǵa shyǵýyna baılanysty birden eki jol apaty boldy, dep habarlaıdy QazAqparat Rolisia.kz telegram kanalyna silteme jasap.

Jol-kólik oqıǵasy búgin saǵat 7:00 shamasynda bolǵan. Oqıǵa ornynan túsirilgen vıdeo áleýmettik jelilerde tarady.

Polıtseıler anyqtaǵandaı, bulan respýblıkalyq Astana - Petropavl tas jolyna shyǵyp ketken. Jabaıy ańnyń kesirinen birden eki avtokólikke mehanıkalyq zaqym keldi. Al, olardyń biriniń júrgizýshisi túrli jaraqatpen emdeý mekemesine jatqyzyldy.

Qazirgi ýaqytta Býrabaı aýdany polıtsııa bóliminiń qyzmetkerleri oqıǵanyń barlyq mán-jaıyn anyqtap jatyr.

Vıdeodan alynǵan kadr