«Astana-Petropavl» tas jolynda eki júk kóligi soqtyǵysyp, bir adam kóz jumdy

<p>KÓKShETAÝ. KAZINFORM &ndash; Aqmola oblysynyń aýmaǵynda &laquo;Astana-Petropavl&raquo; tas jolynda eki júk kóligi soqtyǵysty. Saldarynan bir adam kóz jumyp, bir adam aýrýhanaǵa tústi.</p>

Aqmola oblysy PD baspasóz qyzmetiniń málimetinshe, jol-kólik oqıǵasy 2024 jyldyń 1 sáýirinde saǵat 20:58 shamasynda «Astana-Petropavl» avtomobıl jolynyń 112 shaqyrymynda bolǵan.

Foto: Aqmola oblysy PD baspasóz qyzmeti

Aldyn ala anyqtalǵandaı, Kókshetaý baǵytynda júrip kele jatqan «DAF» júk kóligi eshqandaı tanymdyq belgileri men avarııalyq dabyly joq joldyń shetinde turǵan «KamAZ» kóligine soǵylǵan. Saldarynan «KamAZ» kóliginiń 56 jastaǵy júrgizýshisi oqıǵa ornynda kóz jumǵan. Al «DAF» kóliginiń 44 júrgizýshisi túrli dene jaraqatymen aýrýhanaǵa jetkizilgen.

«Qazirgi kezde, osy oqıǵaǵa baılanysty Qylmystyq kodekstiń 345-babynyń 3-bóligi «Kólik quraldaryn basqaratyn adamdardyń jol júrisi nemese kólik quraldaryn paıdalaný erejelerin buzýy» boıynsha sotqa deıingi is qozǵalyp, tergeý amaldary júrgizilýde. Sonymen birge, sot-medıtsınalyq saraptama taǵaıyndaldy», - dedi vedomstvodan.

Aıta ketsek, budan buryn Stepnogor mańynda jantúrshigerlik jol apaty oryn alǵanyn jazǵan edik.