«Astana-Petropavl» avtojolynda boıaý tıelgen fýra aýdaryldy: júrgizýshige qatysty is qozǵaldy

<p>ASTANA. KAZINFORM &ndash;&nbsp;<strong> Aqmola polıtseıleri avtojolda tógilgen lak-boıaý materıaldaryna baılanysty Astanaǵa 1000-nan astam avtokólikti alyp júrdi</strong>.</p>

21 shildede «Astana-Petropavl» avtojolynda 8 tonnaǵa jýyq lak-boıaý materıalyn tasymaldaǵan Volvo markaly júk kóligi aýdaryldy. JKO saldarynan zardap shekkender joq.

Júrgizýshige qatysty QR ÁQBtK 610-baby boıynsha ákimshilik is qozǵaldy.

«Astana-Petropavl» respýblıkalyq avtojolynda jol-kólik oqıǵalaryn boldyrmaý úshin Aqmola oblysynyń polıtseıleri avtokólikterdi alyp júrýdi uıymdastyrdy. Qazirgi ýaqytta jol qyzmetteri jol tóseminen boıaýdy joıý boıynsha jumystar júrgizýde.

«Avtojolda kólik qozǵalysy shekteýli. Polıtseıler júrgizýshilerden ýaqytsha shekteýlerge túsinistikpen qaraýdy jáne patrýldik polıtsııa qyzmetkerleriniń zańdy talaptaryn saqtaýdy suraıdy», - delingen ІІM habarlamasynda.

«Astana-Petropavl» avtojolynda boıaý tıelgen fýra aýdarylyp qalǵanyn jazǵan bolatynbyz.