Astana-Pavlodar tas jolynyń qurylysy merdiger uıymdaǵy daýdyń saldarynan toqtaǵan

ASTANA. QazAqparat - Astana-Pavlodar tas jolynyń qurylysyna qatysty másele sheshilip jatyr. Bul týraly búgin Ortalyq kommýnıkatsııalar qyzmetiniń brıfıngisine qatysqan QR Investıtsııalar jáne damý mınıstrliginiń resmı ókili Qaısar Jumabaıuly málim etti.

Birneshe kún buryn Buqaralyq aqparat quraldarynda «Astana-Pavlodar» avtojolynyń 25 shaqyrymyndaǵy qurylys toqtaǵany habarlandy. Basty sebep - jumysshylar jalaqy almaǵan jáne qurylysqa qajetti materıaldar boıynsha qaryz 100 mln teńgeden asyp ketken.

Qaısar Jumabaıuly bundaı fakt bolǵanyn rastady jáne  bul máseleden mınıstr Jeńis Qasymbek tolyq habardar ekenin aıtty. Resmı ókildiń aıtýynsha, respýblıkalyq mańyzy bar bul joldyń problemasyna merdiger kompanııadaǵy sot protsesi  sebep bolǵan.

«Qazavtojol» ulttyq kompanııasynyń taratqan qosymsha aqparatyna súıensek, jumysy toqtap turǵan 25 shaqyrym qashaqtyqtaǵy jol aýmaǵyn «Avtodorservıs» JShS jóndeý kerek bolǵan.

«Birqatar BAQ-ta «Ortalyq-Shyǵys» avtokólik dáliziniń jóndeý jumysy toqtady» degen aqparat tarady. Buǵan qatysty aıtarymyz, 2014 jyly «QazAvtoJol» ulttyq operatory men «Avtodorservıs» Fırmasy» JShS arasynda osy dálizdiń Pavlodar oblysynyń aýmaǵynda 25 shaqyrymyn jóndeý týraly kelisimge qol qoıylǵan. Kelisim boıynsha, jóndeý jumystary 2017 jylǵa deıin aıaqtalaýy kerek. 2014, 2015 jyldary men 2016 jyldyń birinshi jarty jyldyǵynda jumys toqtaǵan emes. Qazir kelisimge saı jumystyń 59 paıyzy oryndaldy. «QazAvtoJol» Ulttyq kompanııasynyń «Avtodorservıs» JShS-nyń aldynda qaryzy joq. ıAǵnı, tapsyrys berýshi retinde «QazAvtoJol» tólemderdiń barlyǵyn ýaqytyly jáne tolyq kólemde júrgizgen. Bıylǵa arnalǵan 4 mlrd 900 mln teńgeniń 2 mlrd 245 mln teńgesi tolyq ıgerildi. Biraq, «Avtodorservıs» Fırmasy» JShS-nyń quryltaıshylary arasynda daý-damaı týyndap, qazir olar sot arqyly ózara máselelerin sheshýde. Baspasózge de da jumys toqtady dep málimdegen «Avtodorservıs» JShS quryltaıshy bolyp otyrǵan merdigerlik uıymnyń qyzmetkerleri edi.

Bul másele sheshilgenshe joldyń qurylysyn toqtatpaı, qyzmetkerlerdi jumysqa qaıta tartý úshin  «QazAvtoJol» Ulttyq kompanııasy» AQ ózine qyzmet kórsetetin bankten «eskroý-shot» ashyp, jol ýchastogynyń qurylysyn tolyq baqylaýǵa aldy. «QazAvtoJol» zań boıynsha «Avtodorservıs» Fırmasy» JShS-da oryn alǵan jaǵdaıda aralasa almaıdy. Alaıda, basa aıta keterligi, biz «Nurly jol» baǵdarlamasy boıynsha salynyp jatqan jobanyń toqtaýyna nemese ýaqytynda aıaqtalmaýyna jol bermeımiz», - deıdi «QazAvtoJol» Ulttyq kompanııasy» AQ Basqarma tóraǵasynyń orynbasary Juldyzaı Tájenova.