Astana-Óskemen jańa júrdek baǵdarynyń alǵashqy jolaýshylaryna smartfondar syıǵa tartyldy

ASTANA. QazAqparat - 2014 jyldyń 14 jeltoqsanynda Astana stansasynyń perronynan, al 15 jeltoqsan kúni - Zaşıta stansasynan (Óskemen qalasy) «Astana-Óskemen» (Zaşıta) baǵytymen júretin №68/67 jańa júrdek jolaýshylar poıyzy saparǵa attandy.

«Tulpar-Talgo» vagondarynan qurylǵan jańa poıyz aptasyna úsh ret qatynaıdy, dep habarlady «Jolaýshylar tasymaly» AQ-nyń baspasóz qyzmetinen.

Jańa poıyzdy attandyrý jáne qarsy alý sharalaryna temirjol salasynda eńbegi sińgen ardagerler, Astana qalasy, Shyǵys Qazaqstan oblysy ákimdiginiń ókilderi, «Jolaýshylar tasymaly» AQ-nyń basshylyǵy qatysty.

Poıyzdyń alǵashqy eki jolaýshysyna «Jolaýshylar tasymaly» AQ atynan smartfondar syıǵa tartyldy. Jolaýshy T.Baltabekova Semeıge bıletti kassa arqyly satyp alsa, A.Sálimbetova Óskemenge barý úshin ǵalamtor arqyly tapsyrys bergen.

Jańa poıyz 23 vagonnan turady, sonyń 19-y «Týrıst», bireýi - meıramhana vagony, taǵy bireýi -vagon-bar jáne eki tehnıkalyq vagon.

Poıyz Ereımentaý, Ekibastuz-1, Pavlodar, Aqsý-2, Degeleń, Semeı, Shar stansalaryna toqtaıdy. Óskemenge deıin baratyn jol 16 caǵat, 50 mınýtty, qaıtar jol - 16 caǵat, 45 mınýtty quraıdy.