Astana Operadaǵy kontsertten túsken qarajat Arys turǵyndaryna jiberiledi

NUR-SULTAN. QazAqparat - Nur-Sultan qalasynyń Memlekettik akademııalyq fılarmonııasynyń kameralyq xory Astana Opera saxnasynda qoıǵan "Máńgilik mura" atty kontserttik baǵdarlamasynan túsken qarjyny Arystaǵy jarylystan zardap shekken otbasylarǵa jiberedi, dep xabarlaıdy QazAqparat tilshisi.

Bul týraly kontserttiń kórkemdik jetekshisi ári dırıjeri, QR eńbek sińirgen mádenıet qaıratkeri Gúlmıra Quttybadamova málim etti.

"Búgingi kontsertte qazaq xalqynyń asa tereń maǵynaly ánderi oryndaldy. Keshe ǵana sumdyq apattan endi ǵana es jıyp kelemiz. Bizdiń ujym búgingi kontsertten túsken qarajatty túgel keshegi jarylys saldarynan zardap shekken Arys qalasynyń turǵyndaryna kómek retinde jiberýge sheshim qabyldady", - dedi G.Quttybadamova.

Aıta keteıik, kontsertte qazaq xalyq ánderi, Qurmanǵazy, Aqan Seri, Birjan sal, Estaı, Abaı, S.Seıfýllın, t.b. sazgerlerdiń xalyq súıe tyńdaıtyn ánderi xormen oryndaldy.