Astana opera teatrynyń ártisteri Túrkistanda daýys berdi

TÚRKІSTAN. QazAqparat – Túrkistanda gastroldik saparmen júrgen «Astana Opera» teatrynyń ártisteri de referendýmǵa qatysty, dep habarlaıdy QazAqparat tilshisi.

«Astana Opera» teatrynyń ártisteri Túrkistan qalasyndaǵy Qoja-Ahmet ıAsaýı atyndaǵy HQTÝ-da uıymdastyrylǵan №133 referendým ýchaskesinde daýys berdi. Ata Zańǵa engiziletin ózgeristerge óz kózqarastaryn bıýlleten arqyly bildirdi.

Ýchaske tóraǵasy Begahmet Abýseıtovtyń aıtýynsha, referendým zań talaptaryna saı ári joǵary deńgeıde ótip jatyr.

«Bul aýmaqqa tirkelgen saılaýshylardyń belsendiligi óte jaqsy. Ýchaske saǵat 7:00-den bastap ashyldy. Eń alǵash kelip daýys bergen azamattarǵa syı-syıapat jasaldy. Munda 2 459 saılaýshy tirkelgen. Onyń kópshiligi – ýnıversıtet stýdentteri men ustazdary jáne qala turǵyndary. Ýchaskede barlyq ádistemelik qural-jabdyqtar ornatyldy. Múmkindigi shekteýli jandarǵa jaǵdaı jasalyp, arnaıy kabınalar qarastyrylǵan», – dedi ol.

Eki mıllıonnan astam turǵyny bar óńirde 1,1 mln. saılaýshy tirkelgen. Olarǵa 900-den astam referendým ýchaskesi ázirlendi. Qazirgi kezde oblystyń barlyq aýdan, qalalarynda daýys berý jalǵasyp jatyr.

Buǵan deıin habarlaǵanymyzdaı, Túrkistan oblysy Maqtaaral aýdanynyń 85 jastaǵy turǵyny Jandarbek Júsipov alǵashqylardyń biri bolyp daýys bergen edi.

Sondaı-aq, daýys berýshi arystyq turǵyn shashý shashsa, saryaǵashtyq zeınetkerge shapan jabyldy.

Al, ǵasyr jasaǵan Arys qalasynyń turǵyny Rysaldy Beısenbaeva nemerelerin erte keldi.

Túlkibastyq ustazdar dınastııasy da otbasylyq dástúri boıynsha óz tańdaýyn jasady.