«Astana Opera» teatrynyń áritsteri Belarýs eliniń Úlken teatrynda óner kórsetpek

ASTANA. QazAqparat - «Astana Opera» teatrynyń jetekshi solısi Gaýhar Ýsına men balet ártisi Jánibek Imanqulov Belarýs Respýblıkasynyń Úlken teatrynda óner kórsetpek, dep habarlady teatrdyń baspasóz qyzmetinen.

17 maýsym kúni qazaqstandyq jup «Úlkendegi balet jazy» festıvaliniń gala kontsertine qatysady.
Ártister belorýstyq kórermen nazaryna ataqty sheber B. Eıfmannyń qoıylymyndaǵy áıgili «Roden» baletinen jáne Dj. Ýılıamstyń mýzykasyna qoıylǵan «Joǵalǵan jumaq» mınıatıýrasynan úzindi usynady. Horeograf K. Zvereva bul nomerlerdi atalǵan solısttermen arnaıy daıyndady.
- Men Belarýs sahnasyna shyǵatynyma qýanyshtymyn. Sonymen qatar, álemniń barlyq teatry qoıa bermeıtin sırek oryndalatyn baǵdarlama usynatynymyz da qýanyshqa bóleıdi. Daıyndaǵan nómerlerimiz munda alǵash ret oryndalmaq. Búginde «Astana Opera» teatrynyń repertýarynda álemdik balet klassıkteriniń týyndylarynan bólek, qazirgi zamanǵy horeografııanyń kóptegen jarqyn úlgileri qalyptasyp kele jatqandyqtan, osyndaı múmkindikke ıe boldyq, - dep solıst Gaýhar Ýsına.