«Astana Opera» qazaqstandyqtardy teatrmen dos bolýǵa shaqyrdy

NUR-SULTAN. QazAqparat - Búgin «Astana Opera» teatrynda «Dostar klýby» atty arnaıy jobanyń tusaýkeser rásimi ótti. Saltanatty is-sharaǵa QR Mádenıet jáne sport mınıstri Dáýren Abaev, Qazaqstandaǵy dıplomatııalyq mıssııalardyń basshylary, kórnekti óner ókilderi men metsenattar qatysty.

«Bul - óte qajet joba. «Dostar klýby» kórermenderdi teatrdyń kópqyrly qyzmetimen egjeı-tegjeıli tanystyryp, ony odan ári damytyp teatrǵa jańa kórermenderdi tartatynyna senimdimin. Klýb qatysýshylaryn kóptegen qyzyqty kezdesýler, jańalyqtar men bastamalar kútedi, óıtkeni «Astana Opera» talǵampaz kórermenge eksklıýzıvti rýhanı dúnıe syılaıdy. Jobaǵa uzaq ómir tileımin, teatr men onyń trýppasy damyp, gúldene bersin, kórermenderge keremet qoıylymdar syılasyn», - dep túıindedi Dáýren Abaev.

Іs-sharany uıymdastyrýshylar «Dostar klýbyna» barlyq nıet bildirýshiler, sondaı-aq kommertsııalyq jáne kommertsııalyq emes uıymdar, onyń ishinde sheteldik kompanııalar men kásiporyndar qabyldanatynyn túsindirdi.

Klýbqa múshelik - bul «Astana Operanyń» qyzmetine, Astana men eldiń mádenı ıgiligin saqtaýǵa jáne kóbeıtýge qosqan jeke úlesi.

Klýb músheleri úshin arnaıy teatrlyq is-sharalar ótkiziledi, klýb músheleri «Astana Opera» ómirine belsendi qatysa alady, sahna syrtyna ekskýrsııa jasaıdy, artıster shyǵarmashylyq keshter ótkizedi, teatrdyń baǵdarlamalary men jobalaryn iske asyrýǵa járdemdesedi.

Teatrdyń dostar klýbyna múshelikti búkil teatr maýsymyna qoldanylatyn arnaıy plastıkalyq kartamen rastaýǵa bolady.

«Dos» sanatyna «Astana Operanyń» turaqty qonaqtary kiredi. Olar úshin klýb kartalarynyń jalpy sany - 70 dana.

Ekinshi sanatqa - «qurmetti dos» kiredi, oǵan 50 karta qarastyrylǵan.

Sonymen qatar, taǵy 2 sanat bar: «seriktes» jáne «demeýshi», oǵan uıymdar men kommertsııalyq kompanııalar kiredi.