Astana Opera-da Naýryz jyry shyrqalady
Keshtiń aıtýly sáti horvat, orys jáne tájik syndy túrli ult vokalısteriniń ulttyq ánderdi oryndaýy bolmaqshy. Sondaı-aq kórermenderge ulttyq meıramnyń ásemdigi men ulylyǵyn beıneleıtin vokaldyq týyndylarǵa toly jarqyn ári júrek tolqytarlyq baǵdarlama syılaý úshin kontsert opera akademııasynyń basqa da daryndy jas solısteriniń basyn qosady.
— Astana Opera Halyqaralyq opera akademııasynyń tyńdaýshylary atqarǵan kontsertterdiń kóbi batys eýropa kompozıtorlarynyń týyndylaryn qamtyǵan bolatyn. Tyńdaýshylardyń osy jolǵy kýrsymen biz sondaı-aq qazaq mýzykasy bólimin belsendi úırenip jatyrmyz. Bul kontsertte mádenıetimizdiń baılyǵyn kórsetkimiz keledi, sondyqtan biz barlyǵymyz ulttyq kıimmen óner kórsetemiz jáne sahnany da osyndaı keremet stılde bezendiremiz. Qazir qyzý daıyndyq júrip jatyr. Erekshe formatta ótetin kontsert halyq kompozıtorlarynyń júrekten shyqqan ásem ánderi birinen soń biri tógiletin toıdy eske túsiretin bolady. Akademııanyń sheteldik tyńdaýshylary qazaq týyndylaryn oryndaıdy. Bul olarǵa bizdiń halqymyzdy jaqynyraq tanýǵa jáne onyń salt-dástúrin baǵalaýǵa múmkindik beredi, óıtkeni mádenıet — kez kelgen memlekettiń tól belgisi, — dedi Astana Opera Halyqaralyq opera akademııasynyń atqarýshy dırektory Aısulý Tánı.
Sopranolar Leıla Alamanova, Fırýza Rahmetova, Anastasııa Remeskova, tenorlar Nursultan Ánýarbek, Mereı Qadyrhanov, Shohrýh ıÝnýsov, sondaı-aq barıtondar Sultan Baqytjan, Bekulan Erbolatuly, Nematıllo Zkrýllaev, ıÝrıtsa ıÝrasıch Kapýn syndy tamasha solısterdiń oryndaýynda kórermender qazaq mádenıetiniń baılyǵyn beıneleıtin mýzykalyq shyǵarmalardy estıdi. Baǵdarlama A.Jubanov pen L.Hamıdıdiń attas operasynan Abaıdyń áıgili arııasynsyz ótpeıdi, oǵan qosa Segiz seriniń «Alqońyry» jáne taǵy basqa shyǵarmalar shyrqalady.
«Mýzykalyq merekege daıyndyqta vokal boıynsha tálimgerler de mańyzdy ról atqarady, olar — Qazaqstannyń eńbek sińirgen qaıratkerleri Azamat Jyltyrkózov pen Jupar Ǵabdýllına, sondaı-aq fortepıanony sheber meńgergen daryndy kontsertmeısterler Dına Mırmanova men Janar Ahmetova. Óz isiniń kásibı sheberleri sahnada merekelik atmosfera jasaýǵa kómektesip, árbir kórermenge júrekterdi kóktemgi jigermen toltyratyn mýzyka men sezimder álemine enýge múmkindik beredi» - delingen habarlamada.
Osylaısha, «Naýryz — kóktem» kontserti jas opera oryndaýshylarynyń mýzykalyq shyǵarmashylyǵyn usynyp, shattyqty, jańarý men gúldenýdi beıneleıtin kópshilik unatatyn jalpy halyqtyq meıramdy merekeleý kezindegi mádenıetter men dástúrlerdi biriktirýdiń ózindik bir nyshanyna aınalmaq.