Astana oqýshylaryna aǵylshyn tilin tegin úıretetin jańa joba iske qosyldy
Open English - eriktilerdi daıyndaý boıynsha Kembrıdjdiń KET jáne RET emtıhandarynyń negizinde oqýshylarǵa aǵylshyn tilin úıretýge arnalǵan joba. Jańa joba elordanyń 12 mektebinde pılottyq rejimde iske qosyldy.
Jobada júzege asyryp, mektep oqýshylaryna aǵylshyn tilin úıretý maqsatynda arnaıy 30 oqytýshy-erikti daıarlandy, olar mektepterdiń 9-10 synyp oqýshylarynan quralǵan 15 topty oqytady, ár topta 12 adamnan bar. Alǵash qolǵa alynǵan pılottyq joba boıynsha aǵylshyn tili kýrsynan barlyǵy 180 oqýshy ótedi.
Shet tilin úıretetin oqytýshy-eriktiler Nazarbaev Ýnıversıteti men Nazarbaev zııatkerlik mektebiniń stýdentteri men túlekteri.
«Jobany iske asyrýda jastar bilikti sarapshylardyń qoldaýymen alǵa qoıylǵan mindet tapsyrmalardy sheshýde kúsh biriktiredi. Open English - bul mektep oqýshylaryna aǵylshyn tilin jappaı úıretýge arnalǵan joba. Aldymen úıretýshilerden quralǵan sarapshy toptar shet tilin úıretý men oqytýdyń tıimdi ádis-tásilin ázirlep shyqty. Osylaısha az ýaqyt ishinde tıimdi ádispen oqýshylarǵa jappaı aǵylshyn tilin úıretedi», - dedi atalǵan jobanyń avtory, «Zeraına» qoǵamdyq qorynyń dırektory Lıýdmıla Býrlachenko.
Atalǵan joba Astana Hub-tyń «100 startap» atty baǵdarlamasynyń qataryna kiredi sonymen qatar til úırený kýrsynan ótken barlyq qatysýshylardyń bilim deńgeıleri LIFT emtıhany arqyly baǵalanyp, olarǵa bal beriledi.
Aıta keteıik, Open English - áleýmettik ınnovatsııalyq jobasy «Bolashaq» korporatıvtik qorynyń qoldaýymen júzege asyrylýda