Astana mereıtoıy Túrkııada atap ótildi

ASTANA. QazAqparat - 3 shildede Ankara qalasynda Astananyń 20 jyldyǵyna oraı «Uly dala Astanasy» atty halyqaralyq konferentsııa uıymdastyryldy. Sharada «Uly dala Astanasy» (ASTANA Ulu Bozkır Başkenti)  atty qazaq jáne túrik tilindegi kitaptyń tusaýkeseri ótkizildi, dep habarlaıdy QazAqparat.

Qazaqstannyń Túrkııadaǵy elshiligi uıymdastyrǵan konferentsııaǵa Elshi Abzal Saparbekuly, Túrkııa Respýblıkasy Prezıdentiniń Bas keńesshisi ıAlchyn Topchý, Túrkııa Uly Ulttyq Májilisiniń eks-spıkeri Hıkmet Chetın, Túrkııanyń burynǵy Mádenıet mınıstri Namyk Kemal Zeıbek, Túrkııanyń burynǵy Densaýlyq saqtaý mınıstri Halıl Shyvgyn, Qoja Ahmet ıAsaýı ýnıversıteti Ókiletti keńesiniń tóraǵasy Musa Iyldyz jáne túrik zııaly qaýymy, kásipkerler men iskerleri, elshiler men sheteldik dıplomatııalyq mekemelerdiń ókilderi qatysty.

Jıyndy quttyqtaý sózben ashqan Qazaqstannyń Túrkııadaǵy Elshisi A.Saparbekuly Astananyń aıtýly merekesine oraı Qazaqstan Respýblıkasynyń Túrkııadaǵy elshiligi Anadolý topyraǵynda birqatar mańyzdy sharalardy júzege asyryp, el tarıhyndaǵy eleýli oqıǵaǵa ózindik úles qosyp otyrǵanyn atap ótti.

«Qazaqstan Prezıdentiniń «Astana - eń aldymen azattyǵymyzdyń sımvoly, Qazaqstannyń jańa tarıhynyń shynaıy shejiresi, qarqyndy damýymyzdyń, qol jetken tabystarymyzdyń, abyroı-bedelimizdiń, bereke-birligimizdiń jarqyn kórinisi» degen ulaǵatty sózi árdaıym jadymyzdan shyqqan emes. Táýelsizdiktiń teńdessiz tartýy, azattyqtyń altyn arqaýy - jalpaq jurtymyzdy aıqyn bolashaqqa, kemel keleshekke jumyldyryp, damý jolyndaǵy ulttyq maqsat-múddelerimizdi bir arnaǵa toǵystyrdy», - dedi A.Saparbekuly.

Ol Túrkııa basshysynyń Qazaqstan táýelsizdik alǵanda alǵashqylardyń biri bolyp quttyqtaǵanyn eske salyp ótti.

«Bizdiń  memleketimiz úshin zor qýanyshymyzdy alǵashqylardyń biri bolyp bólisken Túrkııanyń orny bólek. Qazaqstan Prezıdenti Nursultan Nazarbaev «Biz Táýelsizdikti jarııaladyq, eki saǵattan keıin marqum Turǵyt Ózal maǵan telefon shalyp, «Túrkııa qoldaıdy» dedi. Bul qýanyshty esh ýaqytta esten shyǵarýǵa bolmaıdy» degen bolatyn.
Kóp uzamaı baýyrlas eki el arasynda tyǵyz qarym-qatynas ornap, Astananyń irgetasy qalanýyna túrik ınvestorlary men kásipkerleri jáne qurylys kompanııalary belsene aralasty. «Han Shatyr», Ulttyq mýzeı, «Báıterek», «Samal» móltek aýdany, dıplomatııalyq qalashyq, Parlament úıi, «Telekom» keńsesi, Beıbitshilik jáne kelisim saraıy, «Mega Silk Way Astana», sondaı-aq meıramhana, ashana, qonaq úıler jelisi jáne basqa ǵımarattardy halyq ıgiligine usyndy. Astananyń túrki álemine ortaq sáýlettik dızaıny, kógaldandyrýy men abattandyrylýy jáne ınfraqurylymynda da túrik baýyrlarymyzdyń qoltańbasy bar», - dedi Elshi.
Onyń aıtýynsha, Túrkııa memleketi úshin Qazaqstan, Elbasy, Astana degen sózder de bir uǵymǵa aınalǵan. «Halyqaralyq saıasattaǵy salmaqty qadamdary men bıik bedeli úshin túrik halqy Qazaqstan Prezıdentine «Túrki áleminiń - aqsaqaly» dep erekshe qurmet kórsetedi», -  dep atap ótti ol.

Jıynǵa arnaıy qatysqan Túrkııa Respýblıkasy Prezıdentiniń Bas keńesshisi ıAlchyn Topchý «Bolashaqta qazirgi álem tarıhy jazylar ýaqytta Qazaqstan men qazaq túrkileri bóliminde «Tuńǵysh Prezıdent», «túrki dúnıesiniń Aqsaqaly Nursultan Nazarbaev», «Astana qalasy» degen sózder bir uǵymǵa aınalyp, qatar atalatyn bolady. Astana - «Asıtaneı Shahane», ıaǵnı «patshanyń tabaldyryǵy, tańǵajaıyp bas qala» degendi bildiredi. Bul anyqtama kezinde Ystanbul úshin qoldanylǵan edi. Memleketter men elderdiń qalyptasý tarıhynda uly kóshbasshylar qandaı rólge ıe bolsa, basty sheshimder shyǵarylǵan shaharlar da mańyzdy oryn alǵan. Qazirgi Qazaqstannyń negizin salǵan Aqsaqalymyz - kóshbasshy Nursultan Nazarbaev táýelsiz eldiń sımvoly retinde Astanany irgetasynan bastap túbegeıli josparlap, árbir ǵımarattyń qurylysyn qaltqysyz qadaǵalap, ár kirpishin qamqor qolmen qalady. Astana áp-sátte egemen eldiń altyn tájine aınalyp úlgerdi», - dedi.

Ary qaraı Astananyń 20 jyldyǵyna Elshiliktiń tartýy retinde qazaq jáne túrik tilderinde jaryq kórgen «Uly dala Astanasy» atty kitaptyń arnaıy tanystyrylymy ótti. Jınaqta Túrkııanyń eks-prezıdenti Abdolla Gúl, Túrkııanyń Syrtqy ister mınıstri Mevlıýt Chavýshoǵlý, Túrkııa Uly Ulttyq Májilisiniń eks-tóraǵalary Hıkmet Chetın jáne Jemıl Chıchek syndy saıası tulǵalarmen basqa da memlekettik jáne qoǵam qaıratkerleri men zııaly qaýym ókilderiniń araıly Astana men bas qalanyń avtory - Elbasy Nursultan Nazarbaev týraly 30 tarta saraptamalyq maqalalary, zertteý eńbekteri jáne shynaıy pikir men jyly lebizderi berilgen. Toptamanyń tusaýyn Elshi Abzal Saparbekuly, Túrkııa Respýblıkasy Prezıdentiniń Bas keńesshisi ıAlchyn Topchý, Túrkııa Uly Ulttyq Májilisiniń eks-spıkeri Hıkmet Chetın, Túrkııanyń burynǵy Mádenıet mınıstri Namyk Kemal Zeıbek kesti. 

Jańa týyndy Túrkııa Respýblıkasynyń eks-prezıdenti Abdýlla Gúldiń «Ǵalamat jetistiktiń jemisi»  atty maqalasymen bastalǵan. Onda memleket qaıratkeri «Osydan on jyl buryn Túrkııa Respýblıkasynyń prezıdenti retinde qymbatty baýyrym Nursultan Nazarbaevpen birge halyqaralyq deńgeıdegi saltanatty jıynǵa qatysyp, tilektestigimdi bildirgen edim. Astananyń jańa megapolıs retinde qalyptasýy - joǵary mártebeli Nursultan Nazarbaevtyń ustanǵan strategııalyq saıasaty men kemel kóregendiliginiń nátıjesi dep nyq senimmen aıtýǵa bolady. Asa qadirmendi Nursultan Nazarbaevtyń Astanany 20 jylda dál búgingi halge jetkizýi - ǵajap jetistik, tolaǵaı tabys dep esepteımin. Sońǵy on bes jyl ishinde baýyrlas túrik eliniń prezıdenti retinde Nursultan Nazarbaevpen jaqyn tanys bolǵandyqtan, memleket basshysynyń tarıhı mekenniń damýyna tikeleı kóńil bólgenin, qurylys jumysyn muqııat qadaǵalaǵanyn jaqsy bilemin. Asqaq armany men asyl muraty osy jetistiktiń túpki qupııasy ekenin de kámil baǵamdaımyn.

Qazirgi tańda Astana ınfraqurylymy damyǵan, álemdik deńgeıdegi tanymal sımvolıkalyq ǵımarattary, mádenıet jáne óner saraılary boı kóterip, EKSPO syndy ǵalamat saýda jáne qarjy ortalyǵy, joǵary oqý oryndary, sport keshenderi jáne meshitteri salynǵan, mıllıonnan astam  turǵyny bar jasampaz qala bolyp qalyptasty.

Erekshe qurmetti Nursultan Nazarbaevtyń eli úshin atqarǵan qyzmetinde esep joq. Keńes odaǵynyń ydyraýynan keıin táýelsizdikke qol jetkizip, halyqtyń sany az bolýyna qaramastan, ulan-ǵaıyr jerdi saqtaı bildi. Bul - shyn mánisinde aıqyn qadam, naqty nətıje edi.

Túrki tildes memleketterdiń yntymaqtastyq keńesin qurý týraly Nahchyvan kelisiminiń eń belsendi qoldaýshysy Nursultan Nazarbaev bolǵandyqtan, men ony «Túrki áleminiń aqsaqaly» dep jarııalaǵan edim. Qazaqstan Prezıdenti bul qurmetke ábden laıyq tulǵa!» dep aǵynan jarylypty.

Konferentsııada ary qaraı ANKASAM zertteý ortalyǵynyń dırektory Mehmet Seıfettın Erol, TIKA tóraǵasynyń orynbasary Mehmet Súrreııa Er, Eýrazııa Jazýshylar qaýymdastyǵynyń tóraǵasy ıAkýb Omaroǵly jáne YDA kompanııalar tobynyń basqarma múshesi Júneıt Arslan Astananyń qalyptasýy jáne damýy týraly arnaıy baıandama jasady.

Sońynan Astana kúnine arnalǵan merekelik qabyldaý ótti.