Astana men Túrkistan oblysynyń ákimdikteri birqatar memorandýmdarǵa qol qoıdy

TÚRKІSTAN. QazAqparat - Túrkistan qalasynda «Astana qalasy - Túrkistan oblystarynyń óńiraralyq yntymaqtastyǵy» taqyrybynda iskerlik kezdesý ótti, dep habarlaıdy QazAqparat Túrkistan oblysy ákimdiginiń baspasóz qyzmetine silteme jasap.

Baspasóz málimetterine qaraǵanda, elordanyń 20 jyldyǵyna oraı, «Qazaqstannyń óńirlerindegi Astananyń kúnderi» sheńberi aıasynda uıymdastyrylǵan sharanyń maqsaty - Túrkistan oblysynyń bıznes-qoǵamdastyǵy men óńirlik damý ınstıtýttarymen tájirıbe almasý bolyp tabylady.

Sonymen birge, jergilikti kásipkerlerdiń Astana qalasynyń ınvestıtsııalyq múmkindikterimen, týrıstik áleýetimen, tabysty júzege asyrylyp jatqan shaǵyn jáne orta bıznesti qoldaý jónindegi óńirlik baǵdarlamalarymen tanysý.

Astana qalalyq ınvestıtsııalar jáne kásipkerlikti damytý basqarmasy basshysynyń mindetin atqarýshy Erlan Bekmurzaev bastaǵan resmı delegatsııanyń bul saparyna sátti qadam tilegen Túrkistan oblysy ákiminiń orynbasary Erbol Tasjúrekov bıznes forýmnyń mańyzdylyǵyn atap ótti. Sondaı-au ol túrkistandyq kásipkerlerdiń arqadaǵy bıznesmendermen ózara birlese jumys isteýge qashan da daıyndyǵyn jetkizdi.

«Túrkistan oblysynyń bıznes qoǵamdastyǵy Astana qalasyndaǵy áriptesterimen oı bólisip, tájirbıe almasqaly otyr. Óıtkeni Astana qalasy 20 jyldyq qysqa ýaqyt ishinde qulpyryp, gúldendi. Túrkistan oblysy da jańa mártebege ıe boldy. Elbasynyń tapsyrmasy negizinde biz de qysqa ýaqyt ishinde Túrkistan qalasynyń búkil túrki halqynyń tarıhı-mádenı ortalyǵyna aınalatynyna senimdimiz», - dedi ol.

Odan soń sóz alǵan Astana qalasynyń ınvestıtsııalar jáne kásipkerlikti damytý basqarmasy basshysynyń mindetin atqarýshy E.Bekmurzaev búginde Túrkistan oblysynda Astana qalasynyń kúnderi ótip jatqanyna toqtaldy. Ataýly kúnderdiń oıdaǵydaı ótýin erekshe nazarda ustap otyrǵan oblys basshylyǵyna alǵysyn bildirgen ol bıznes-forýmda Astana qalasynyń 20 jylda jetken jetistikteri, kásipkerlik, ınvestıtsııalyq-ınnovatsııalyq jáne týrızm jaılyn sóz qozǵady.

Іskerlik kezdesý aıasynda Túrkistan qalasy ákimdigi men Astana qalasy ákimdikteri arasynda óńiraralyq qatynastardy damytý úshin ózara túsinistik pen yntymaqtastyq týraly memorandýmdarǵa qol qoıyldy. Investıtsııalyq, ınnovatsııalyq jáne týrızm salalarynda birlesken jumys isteýge ýaǵdalasqan taraptar bolashaqta túrli jobalardyń jaryqqa shyǵyp, elge paıdasyn tıgizetinine senimdi.

Túrkistandaǵy Astana kúnderi aıasynda arqalyq qonaqtar men qatysýshylar Kentaý transformator zaýytyn aralap, Qoja Ahmet ıAssaýı kesenesine zııarat etti. Sondaı-aq jumysshy top Astana qalasynyń 20 jyldyǵyna arnalǵan Gala-kontsertti tamashalamaq.