Astana men Toronto baýyrlas qalalar bolady
«Elorda ekonomıkasy úshin jeke ınvestıtsııa tartýdyń mańyzy zor. Birinshi kezekte qala men turǵyndarǵa qajet jobalar qarastyrylyp jatyr. Osy jyldyń 10 aıynda qala ekonomıkasyna 1 trıllıon teńgeden astam jeke ınvestıtsııa tartyldy. Al 2021-2022 jyldary – 2 trıllıon 300 mlrd teńgeden astam. Kanadanyń senatorlary Jan-Gı Djenemen, Vıktorom Oýmen, QR-daǵy Kanada Elshiliginiń birinshi hatshysy Keroll Parrmen ótken kezdesýde Astana men Toronto arasynda áriptestik qarym-qatynas ornatý; bilim berý, týrızm, ekonomıka, mádenıet jáne basqa salalardaǵy yntymaqtastyq máseleleri talqylandy», - dep jazdy ákim Instagram paraqshasynda.
Onyń aıtýynsha, kezdesýde sonymen qatar Kanada kásipkerlerimen elordada suıytylǵan gaz óndirý zaýyty sekildi ózge de kásiporyndar ashý máselesi de sóz bolǵan.
Eki el arasyndaǵy birlesken yntymaqtastyq ózekti máseleler boıynsha tájirıbe almasýǵa, jańa kásiporyndar ashýǵa, jumys oryndaryn qurýǵa, ınvestıtsııa tartýǵa múmkindik beredi.
Foto: instagram.com/altay_kulginov_official