Astana men Tokıo ekijaqty yntymaqtastyq máselelerin talqylady

<p>ASTANA. KAZINFORM - &ndash; Qazaqstan Respýblıkasy Syrtqy ister mınıstriniń orynbasary Álibek Baqaev pen Japonııanyń Syrtqy ister mınıstrligi Eýropa isteri bıýrosynyń Bas dırektory Masashı Nakagomemen ótken kelissózder barysynda Qazaqstan men Japonııa arasyndaǵy saıası jáne ekonomıkalyq yntymaqtastyqtyń qazirgi jaǵdaıy keńinen talqylandy.</p>

Kezdesýde taraptar strategııalyq seriktestikti odan ári nyǵaıtýdyń, saýda-ekonomıkalyq baılanystardy jandandyrýdyń, sondaı-aq ekijaqty sharttyq-quqyqtyq bazany keńeıtýdiń negizgi aspektilerin jan-jaqty qarastyrdy.

Foto: Qazaqstan Respýblıkasy Syrtqy ister mınıstrligi

Sonymen qatar, BUU jáne MAGATE sııaqty kópjaqty qurylymdar aıasyndaǵy úılestirýdiń ózekti máseleleri boıynsha pikir almasyldy.

Eki tarap «Ortalyq Azııa + Japonııa» Dıalogynyń aldaǵy Birinshi Sammıtiniń mańyzdylyǵyn atap ótti.

Foto: Qazaqstan Respýblıkasy Syrtqy ister mınıstrligi

Á.Baqaev elderimiz arasyndaǵy saıası jáne ekonomıkalyq yntymaqtastyqty nyǵaıtýǵa jáne strategııalyq seriktestikti odan ári damytýǵa yqpal etýge baǵyttalǵan joǵary deńgeıdegi saparlardy uıymdastyrýdyń qajettiligine toqtaldy.

Óz kezeginde, M.Nakagome kólik, logıstıka, adam resýrstaryn damytý jáne «jasyl» ekonomıka sııaqty basym salalardaǵy ózara is-qımyldyń áleýeti týraly habardar etti.

Kelissózder qorytyndysy boıynsha suhbattastar Qazaqstan men Japonııa arasyndaǵy tıimdi yntymaqtastyqty odan ári nyǵaıtý maqsatynda syrtqy saıası vedomstvolary deńgeıinde tyǵyz dıalogty jalǵastyrýǵa kelisti.