Astana men Tokıo arasyndaǵy áýe reısteri qaıta ashyla ma

ASTANA. QazAqparat – Qazaqstan men Japonııa Astana-Tokıo tikeleı áýe reısin qalpyna keltirý nemese jańa baǵyttar ashý boıynsha kelissóz júrgizip jatyr. Bul týraly QR Syrtqy ister mınıstrliginiń resmı ókili Aıbek Smadııarov málimdedi, dep habarlaıdy QazAqparat tilshisi.

«Syrtqy ister mınıstrligi elshiligimiz arqyly áýe reısin qaıta qalpyna keltirý nemese jańa baǵyttardy ashý boıynsha kelissóz júrgizý ústinde. Árıne, biz osyndaı tanymal reısterdi qaıta ashýǵa múddelimiz. Ókinishke qaraı, qazir naqty eshteńe aıta almaımyn. Óıtkeni, japon tarapymen kelissóz júrip jatyr», - dep toqtaldy Aıbek Smadııarov.

Vedomstvonyń resmı ókili pandemııa kóptegen elderdiń josparyna ózgeris engizgenin atap ótti.

Sondyqtan qazir buryn bastalǵan kelissózdi qaıta jalǵastyrý jumystary júrgizilip jatyr.

Eske sala keteıik, sunyń aldynda Astana men Beıjiń arasynda tikeleı áýe reısteri qaıta ashylatynyn habarlaǵan edik.