Astana men Qaraǵandy arasynda jańa elektropoıyzdar qatynaıdy

ASTANA. QazAqparat - 10 mamyr kúni Astana stansasynan Astana-Qaraǵandy arasynda qatynaıtyn ED9E serııaly (energııa únemdeıtin) «Saryarqa» jańa elektropoıyzynyń ekinshi jańartylǵan quramy attandy. dep habarlady «24.kz».

Jańa elektrıchka jaılylyǵy men qaýipsizdigi jaǵynan erekshelenedi, dep habarlady «Jolaýshylar tasymaly» AQ baspasóz qyzmeti.

Habarlamada atap ótilgendeı, jańa elektropoıyzdar álemdik standarttarǵa sáıkes keledi. Barlyq konstrýktsııalyq sheshimder tapsyrys berýshi -«Qazaqstan temir joly» UK» AQ talaptary men tilegine oraı oryndalǵan, ónerkásiptik estetıka men árleýdegi sońǵy úrdister eskerilgen. Elektropoıyzdardy paıdalaný merzimi - 28 jyl.

«Saryarqa» poıyzy Qaraǵandy stansasyna kún saıyn 2 ret - Astanadan 10.45-te shyǵyp, Qaraǵandyǵa 13.55-te, al ekinshi reıs Astanadan 19.35-te shyǵyp, Qaraǵandyǵa 22.45-te keledi.

Poıyz quramynda birinshi klasty 3 vagon, ekinshi klasty 3 vagon, úshinshi klasty 2 vagon bar.

Jańa quramdarda jolaýshylarǵa jaıly bolýy úshin barlyǵy qarastyrylǵan: jumsaq ergonomıkalyq oryndyqtar, aýa baptaý júıesi (jylytý jáne salqyndatý), germetıkalyq vanonaralyq ótpeler, salondar men tambýrlarda beınebaqylaý, Wi-Fi, poıyzdyń parametrleri týraly qazaq jáne orys tilderinde jazylǵan «Júgirtpe jol» aqparattyq tablosy jáne basqalary bar.

«Demıhov mashına jasaý zaýyty» AAQ-nyń (Reseı Federatsııasy) serııaly bul óndirisi quramyn alǵashqy iske qosý tanystyrylymy 2003 jyly Qazaqstan Prezıdentiniń qatysýymen ótti. Sol kezden beri QTJ «Qala mańy tasymaldary» AQ úshin osy óndirýshiniń 32 vagonyn satyp aldy, dep habarlady «Jolaýshylar tasymaly» AQ.