Astana men Indonezııanyń bolashaq astanasy Nýsantara – baýyrlas qala
Astanada ótip jatqan baýyrlas qalalar forýmy barysynda Indonezııanyń bolashaq astanasy Nýsantara ákimshiligi basshysy Bambang Sýsantono men Astana qalasynyń ákimi Jeńis Qasymbek ózara túsinistik týraly memorandýmǵa qol qoıdy. Oǵan sáıkes astanalar egiz qalalarǵa aınaldy.
«Jeńis Qasymbek myrza ekeýmiz yntymaqtastyq úshin Astana men Nýsantara arasyndaǵy ózara túsinistik týraly memorandýmǵa qol qoıdyq. Yntymaqtastyq memorandýmy Astana men Nýsantara turǵyndary arasyndaǵy ekonomıkalyq damýǵa kómektesip, ekijaqty qarym-qatynasty damytý úshin bilim, tájirıbe almasý alańy bolady. Bul eki qala men eki eldiń odan ári damı túsýine múmkindik beredi», - dedi Bambang Sýsantono astananyń 25 jyldyq mereıtoıyna oraı ótip jatqan baýyrlas qalalar forýmynda.
Sondaı-aq ındonezııalyq meıman Astana baýyrlas qalalar forýmnyń ekijaqty qarym-qatynasty odan ári damytýdaǵy mańyzyn atady.
«Búgingi is-shara ózara qarym-qatynasymyzdy damytýǵa arnalǵan. Men Qazaqstan Prezıdentine bul tarıhı ózgeristerdiń jańa dáýiri ekenin túsingeni úshin alǵys aıtqym keledi. Óıtkeni qazir álemde túrli syn-qaterler bolyp, qalalar qıyndyqtarǵa tap bolyp jatqanyn kórip otyrmyz», - deıdi ol.
Aıta ketsek, Nýsantara – Indonezııada salynyp jatqan qala. El astanasyn Djakartadan kóshirý josparlanǵan.