«Astana» men «Chelsı» oıyny: Almaty polıtsııasy eskertý jasady

<p>ALMATY. KAZINFORM &mdash; 12 jeltoqsanda Almatynyń Ortalyq stadıonynda ótetin &laquo;Astana&raquo; &mdash; &laquo;Chelsı&raquo; matchy qarsańynda qala polıtseıleri bıletterdi satýǵa qatysty alaıaqtyq áreketter bolýy múmkin ekenin eskertti.</p>

Tártip saqshylary bul oıynǵa bıletterdi stadıon mańynan ne onlaın satýshylardan emes, tek resmı saýda oryndarynan alýǵa keńes berdi.

— Alaıaqtardan qaýipsizdik maqsatynda fýtbol matchyna bıletterdi tek resmı saýda oryndarynan satyp alý kerek ekenin eske salamyz, — dedi Almaty qalalyq PD Jergilikti polıtsııa qyzmeti Basqarmasynyń bastyǵy Serik Shýmaev.

Aıta ketken jón, oıyn aldynda Almaty polıtsııasy qyzmettiń kúsheıtilgen nusqasyna aýystyryldy. Polıtsııa kúshteri sport nysanynyń ózinde de, oǵan shektes aýmaqtarda da tártip pen jol qaýipsizdigin qamtamasyz etedi.

Eske salaıyq, buǵan deıin «Astana» men «Chelsı» oıyny qanshalyqty keıinge shegerilýi múmkin ekenin jazǵanbyz.

Sondaı-aq, oıyn kúni Almatyda qandaı kósheler jabylatyny týraly habarlanǵan bolatyn.