Astana men birneshe óńirde ekinshi aýysym oqýshylary qashyqtan oqıdy

ASTANA. QazAqparat - Aýa raıyna baılanysty ekinshi aýysymda oqıtyn oqýshylar úıde qalady, dep habarlaıdy QazAqparat.

Astana qalasynyń bilim basqarmasy habarlaǵandaı, 11 qańtar kúni aýa raıynyń qolaısyzdyǵyna baılanysty ekinshi aýysymnyń 0-9 synyp oqýshylary qashyqtan oqytý formatyna aýystyrylady.

Oral qalasynda da 1-9 synyp oqýshylary mektepke barmaıdy.

Aıta keteıik, búgin Qaraǵandy qalasynda birinshi jáne ekinshi aýysymnyń 0-11 synyp oqýshylary, al Qyzylorda qalasynda bastaýysh synyp oqýshylary onlaın oqyp jatyr.

Túrkistan oblysynyń birqatar bilim mekemeleri de qashyqtan oqýǵa kóshti.

Jetisaı, Tólebı aýdandarynyń mektepteri 11 qańtardan bastap tolyq, Ordabasy, Saryaǵash aýdandarynda daıyndyq toptary men 1-8 synyp oqýshylary, Keles, Maqtaaral men Qazyǵurt aýdanynyń daıyndyq synyptary men 1-4 synyp oqýshylary, Shardara aýdanynda daıyndyq toptary men 1-synyp oqýshylary úıden bilim alady.

Túrkistan oblysynyń basqa aýdan-qalalarynda mektepter qysqartylǵan 30 mınýttyq sabaq pen qysqartylǵan úzilis kestesine kóshedi. Sonymen qatar mektepke tasymal arqyly jetkiziletin oqýshylar da onlaın formatynda bilim alýdy jalǵastyrady.

Eske sala keteıik, búgin tańerteń birqatar óńirde oqýshylar mektepke barǵan joq.