Astana men Atyraýda aýa sapasy nasharlaıdy
05:24, 11 Sáýir 2023
ASTANA. QazAqparat – 11 sáýir kúni Qazaqstan aýmaǵynyń basym bóliginde qolaıly meteorologııalyq jaǵdaı saqtalady, dep habarlaıdy QazAqparat.
«Qazgıdromet» RMK baspasóz qyzmeti taratqan málimetke sensek, 11 sáýir, seısenbide elimizdegi qalalardyń basym kópshiliginde meteorologııalyq ahýal birqalypty bolady.
Tek Atyraý jáne Astana qalalarynda aýa sapasy birshama nasharlaıdy.
Qolaısyz meteorologııalyq jaǵdaı - atmosferalyq aýanyń betki qabatynda zııandy zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.
QMJ jaǵdaıynda eldi mekenderdegi atmosferalyq aýanyń sapasy nasharlaýy yqtımal.