Astana men Almatydan Oralǵa poıyzben jetý ýaqyty qysqaratyn boldy
QR Investıtsııalar jáne damý mınıstrligi baspasóz qyzmetiniń habarlaýynsha, 22 qyrkúıekte Qazaqstan Respýblıkasy men Reseı Federatsııasy syrtqy ister mınıstrlikteriniń ókilderi arasynda ratıfıkatsııalaý týraly gramotalarmen almasý rásiminiń qorytyndysy boıynsha 2016 jylǵy 4 qazanda Astana qalasynda qol qoıylǵan Qazaqstan Respýblıkasynyń Úkimeti men Reseı Federatsııasynyń Úkimeti arasyndaǵy 1996 jylǵy 18 qazandaǵy temirjol kóliginiń kásiporyndary, mekemeleri men uıymdarynyń qyzmetin quqyqtyq retteýdiń erekshelikteri týraly kelisimge ózgertýler engizý jónindegi hattama kúshine engizildi.
Osyǵan oraı, qazaqstandyq jolaýshylar poıyzy Reseı Federatsııasy aýmaǵynda toqtaýsyz júrgen jaǵdaıda Jaısań - Iletsk - Shyńǵyrlaý shekara mańy ýchaskesinde shekaralyq tekserýdiń barlyq túrlerinen bosatylady. Bul jol júrýdiń ýaqytyn edáýir qysqartady.
2017 jylǵy 26 qyrkúıekte Astana-Oral jáne Almaty-Oral baǵyty boıynsha «Tulpar-Talgo» jolaýshy tasymaldaýshy poıyzy iske qosylatyn bolady.
№ 49/50 «Almaty-Oral» jáne № 95/96 «Astana-Oral» baǵytyndaǵy «Tulpar-Talgo» jolaýshy tasymaldaýshy poıyzynyń jol júrý ýaqyty osy baǵytta júretin basqa poıyzdarmen salystyrǵanda 22 jáne 13 saǵatqa az.
Poıyz quramynda jolaýshylarǵa barlyq qolaıly jaǵdaılar jasalǵan jáne múmkindigi shekteýli azamattarǵa arnaıy vagondar qarastyrylǵan.