Astana men Almatyda «Bolashaq-2012: áleýetti júzege asyrý» atty túlekter forýmy ótedi

ASTANA. 23 qarasha. QazAqparat - 24 qarashada Astana jáne Almaty qalalarynda «Halyqaralyq baǵdarlamalar ortalyǵy» AQ Qazaqstan Respýblıkasy Mádenıet jáne aqparat mınıstrligi men Qazaqstan Respýblıkasy Bilim jáne ǵylym mınıstrliginiń qoldaýymen

Qazaqstan Respýblıkasy Prezıdentiniń «Bolashaq» halyqaralyq stıpendııasy stıpendıattarynyń qaýymdastyǵymen birlese otyryp, «Bolashaq» stıpendııasy túlekteriniń, otandyq jáne halyqaralyq jumys berýshilerdiń qatysýymen «Bolashaq-2012: áleýetti júzege asyrý» Forýmyn ótkizedi.

Forýmnyń maqsaty - memlekettik organdarǵa, jumys berýshiler men «Bolashaq» baǵdarlamasy túlekterine adamı resýrstardy, kásibı ósýdi, eńbek naryǵyndaǵy aǵymdaǵy jaǵdaıdy damytý boıynsha alań qurý.

Aǵymdaǵy jyly ekonomıkanyń túrli salalary boıynsha kadrlardy tıimdi ornalastyrý maqsatynda Qazaqstan Respýblıkasy Prezıdentiniń halyqaralyq stıpendııasynyń 925 túlegi elge qaıtyp oralady.

Forým sheńberinde: 100-den asa jumys berýshi qatysatyn bos jumys oryndarynyń jármeńkesi, «Qazaqstan Respýblıkasy Prezıdentiniń «Bolashaq» halyqaralyq stıpendııasy: kásibı taǵylymdamany iske asyrý» jumys berýshilerge arnalǵan sessııa, «Halyqaralyq baǵdarlamalar ortalyǵy» AQ-nyń BI-Group kompanııasymen jumysqa ornalastyrý boıynsha birlesken jobasynyń tusaýkeseri, «Bolashaq» stıpendııasy túlekteri úshin trenıngter men koých-sessııalar ótkiziledi.