Astana men Almatyda aılyǵy eń joǵary vakansııalar qandaı

ASTANA. QazAqparat – HeadHunter platformasy Qazaqstannyń eńbek naryǵy maýsym aıynda qalaı qubylǵanyna taldaý jasady, dep habarlaıdy QazAqparat tilshisi.

«Maýsym aıynda jumys berýshiler hh.kz saıtyna túrli baǵyttaǵy 57 myń bos jumys ornyn usyndy. Bul mamyr aıyndaǵydan 1,5% az. Al 2022 jyldyń maýsymyna qaraǵanda 25% kóp», - dep jazady HeadHunter.kz.

Maýsym aıynda atalmysh portalda shyqqan jumys oryndary usynǵan ortasha arıfmetıkalyq aılyq 302 myń teńge bolǵan.

Bul byltyrǵy maýsym aıynyń kórsetkishinen 13,5% joǵary. Al medıandy aılyq 248 myń teńge bolǵan. Bul byltyrǵy maýsymdaǵydan 25% artyq.

Maýsym aıyndaǵy eń qymbat jumys oryndary:

- Astana qalasynda Frontend-baǵdarlamashyǵa (saıttar men qosymshalardyń medıadızaınyn jasaýshy – red) 400 myń teńgeden 900 myń teńgege deıin qolyna alatyn aılyq usynylǵan.

- Almaty qalasynda konstrýktor men tiginshige qolǵa alatyn 600 myń teńge qolǵa altyn aılyq usynylǵan.

- Astanada marketologqa qolyna 600 myń teńgeden 800 myń teńgege deıin aılyq

- Almatyda saýda bóliminiń basshysyna 500 myń teńgeden 1,2 mln teńge deıin

- Almatyda Junior/Middle Angular Developer «ınterfeıs ázirleýshige 1 000 dollardan 2 500 dollarǵa deıin aılyq usynylǵan.